आज १३ मे रोजी मराठी आणि हिंदी मनोरंजनविश्वात सक्रिय असणारी प्रतिभावान अभिनेत्री अमृता सुभाष तिचा वाढदिवस साजरा करत आहे. अमृताने तिच्या अभिनयाने मराठी मालिका, चित्रपट, नाटकांसोबतच हिंदीमध्ये देखील आपल्या सहजसुंदर अभिनयाची चुणूक दाखवली आहे. तिच्या वाढदिवसाच्या निमित्ताने जाणून घेऊया तिच्या आणि अभिनेता संदेश कुलकर्णीच्या प्रेमकहाणीबद्दल.
काहींसाठी संदेश ओळखीचा असेल तर काहींसाठी ओळखीचा नसेल परंतु एकदा का त्याची ओळख पटली की आपण त्याला विसरणं शक्य नाही. अभिनेत्री अमृता सुभाषने ट्विटर वर एक व्हिडिओ शेअर करत २६ वर्षांपूर्वी काय घडलं होतं हे सांगितलं आहे. चला तर मग मंडळी आपण या दोघांची जी भारी लव्हस्टोरी आहे ती पाहुयात.
On this day 26 years ago he said yes to me and here we are.. Sandesh Kulkarni
२६ वर्षांपूर्वी आजच्या दिवशी त्याने मला होकार दिला आणि ..❤️❤️ pic.twitter.com/i4OJeHNTO6— Amruta Subhash (@AmrutaSubhash) January 2, 2021
अमृता सुभाष म्हटलं की आपल्या समोर तिचं एकच असं ठराविक काम येत नाही कारण तिने केलेल्या प्रत्येक कामामध्ये ती उत्कृष्टच राहिली आहे. तिची प्रत्येक भूमिका हे वेगळी असते. अशी ही अमृता सध्या आपल्याला हिंदी आणि मराठी अशा दोन्ही चित्रपटसृष्टीत काम करताना दिसते. हीच अमृता सुभाष वयाच्या १७ व्या वर्षी संदेश कुलकर्णीच्या प्रेमात पडली होती.
संदेश कुलकर्णी म्हणजे सुप्रसिद्ध अभिनेत्री सोनाली कुलकर्णी यांचा भाऊ! ज्याची एक लेखक, दिग्दर्शक, अभिनेता म्हणून स्वतःची अशी ओळख आहे. पण लगेच लक्षात यावं यासाठी सोनाली कुलकर्णी यांच्या संदर्भ दिला. असो तर झालं असं की १७ वर्षांची अमृता ही सोनालीच्या वाढदिवसाला तिच्या घरी गेली होती. परंतु सोनाली अगोदर अमृताच्या समोर सदरा घातलेला, हाताच्या बाह्या दुमडलेल्या अवस्थेत जो तरुण आला तो होता संदेश कुलकर्णी.
बस्स त्याच क्षणी अमृताला मनापासून वाटलं की हाच आपला आयुष्यभराचा साथीदार! पुढे दोघांमध्ये मैत्री झाली. अमृताने पुढाकार घेऊन संदेशला प्रपोज केलं आणि २६ वर्षांपूर्वी ३जानेवारी रोजी संदेशने तिला होकारदेखील दिला. अशी सुरू झाली या दोघांची प्रेमकहाणी! २६ जून २००३ मध्ये या दोघांनीही विवाह केला.
अमृता ही सुप्रसिद्ध ज्येष्ठ अभिनेत्री ज्योती सुभाष यांची कन्या आहे. पुण्याच्या एस.पी. कॉलेजमधून तिने तिचं महाविद्यालयीन शिक्षण पूर्ण केलं. तसंच अभिनय प्रशिक्षणासाठी तिला घरातून नॅशनल स्कुल ऑफ ड्रामा येथे पाठवण्यात आलं. तिथे तिने थोर नाटककार सत्यदेव दुबे यांच्या अंतर्गत अभिनयाचं योग्य प्रशिक्षण घेतलं.
तिथे तिने अनेक हिंदी नाटकांमधून आपल्या अभिनयाचा ठसा उमटवला. यानंतर महाराष्ट्रात परत आल्यावर तिने सुप्रसिद्ध मराठी नाटक ती फुलराणी मध्ये काम केलं. २००४ मध्ये तिने राष्ट्रीय पुरस्कार विजेत्या श्वास चित्रपटामधून सिनेसृष्टीत पदार्पण केलं.
२६ वर्षांपूर्वी आजच्या दिवशी त्याने मला होकार दिला आणि ..❤️❤️
On this day 26 years ago he said yes to me and here we are.Sandesh Kulkarni pic.twitter.com/bNeADSYZIQ— Amruta Subhash (@AmrutaSubhash) January 2, 2021
गल्ली बॉय, किल्ला, अस्तु, अवघाची हा संसार, सेक्रेड गेम्स, सिलेक्शन डे, चोक, वळू ही काही अमृताने मुख्य भूमिका साकारलेल्या प्रसिद्ध कलाकृतींची नावं आहेत. अमृता ही प्रशिक्षित शास्त्रीय गायिका असून तीने भरतनाट्यम या नृत्य प्रकाराचं देखील प्रशिक्षण घेतलेलं आहे.
आजमितीला अमृता आणि संदेश यांच्या लग्नाला १७ वर्षे झाली आहेत. या सतरा वर्षांच्या प्रदीर्घ काळात अमृताच्या यशामागे कुठे ना कुठे संदेशचा आणि संदेशच्या यशामागे अमृताचा हात नक्कीच आहे. त्याशिवाय इंडस्ट्रीमध्ये काम करताना या दोघांनाही संसाराचा हा रहाटगाडा खेचणं अगदी कठीण होऊन बसलं असतं.
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
ऑस्कर विजेत्या गुनीत मोंगा यांच्याशी भेट झाल्यानंतर पीएम नरेंद्र मोदी यांनी ‘द एलिफेंट व्हिस्पर्स’बद्दल लिहिले…
‘तरुण भारत तयार होतो’ टाईम मासिकावर झळकल्यानंतर दीपिका पदुकोणचे भारताबद्दलचे ‘ते’ व्यक्तव्य चर्चेत
