‘बिग बॉस ओटीटी’ आणि ‘बिग बॉस 15’ ची स्पर्धक राहिलेली शमिता शेट्टी पुन्हा एकदा चर्चेत आली आहे. उंच, सडपातळ, मोठे डोळे असलेले शमिताचे व्यक्तिमत्त्व टीव्हीच्या प्रसिद्ध रियॅलिटी शोमधून सर्वांनाच समजले. कोणत्याही अभिनेत्रीला यशस्वी बनवणारे सर्व काही शमितामध्ये आहे, पण तरीही शमिताला ते यश मिळाले नाही, जे तिची बहीण शिल्पा शेट्टीला मिळाले नाही. बुधवारी (2फेब्रुवारी) शमिता आपला 44 वा वाढदिवस साजरा करत आहे. तिच्या वाढदिवसानिमित्त जाणून घेऊया तिच्याबद्दल काही खास गोष्टी…
रजनीकांत, ऐश्वर्या राय, प्रकाश राज, अनुष्का शेट्टी, शिल्पा शेट्टी, सुनील शेट्टी यांसारख्या दिग्गज कलाकारांचा जन्म ज्या कर्नाटकच्या भूमीत झाला, तिथेच शमिताचाही जन्म झाला. 2 एप्रिल, 1996 ला कर्नाटकच्या मंगळुरू येथे ती जन्मली. सुनंदा शेट्टी आणि सुरेंद्र शेट्टी यांची मुलगी असलेल्या शमिताने आपले पदवीचे शिक्षण सिडनहॅम कॉलेजमधून पूर्ण केले. सन 2001 मध्ये आलेल्या ‘मोहब्बतें’ या सिनेमातून तिने पदार्पण केले आणि या सिनेमाच्या यशाने तिला रातोरात स्टार बनवले.
या सिनेमासाठी तिला आयफाचा सर्वोत्तम महिला पदार्पणाचा पुरस्कारही मिळाला होता. मात्र, करिश्मा कपूर आणि करीना कपूर यांच्यासारख्या हिट बहिणींच्या जोडींप्रमाणे यश शिल्पा शेट्टी आणि शमिता शेट्टीला मिळाले नाही.
शमिताच्या कमाईचा स्त्रोत आहे तरी काय?
अलीकडे ‘बिग बॉस 15’ शोमध्ये शमिताला पाहून अनेक चाहत्यांना धक्का बसला आहे. जेव्हापासून राज कुंद्रा अश्लील चित्रपट बनवतो, हे प्रकरण समोर आले, तेव्हापासून प्रत्येकाच्या मनात हाच प्रश्न सतत उपस्थित होत आहे की, सिनेमांपासून दूर राहूनही शिल्पा शेट्टीची बहीण शामिलाचा कमाईचा स्रोत काय आहे? अभिनेत्री शिल्पा शेट्टी एक बिझनेस वुमन देखील आहे. तिची कमाई प्रचंड मोठ्या प्रमाणात म्हणजे तब्बल 100 कोटींहून अधिक आहे. शिल्पासारखं यश शमिताला मिळवता आले नाही. पण तीदेखील काही कमी नाही. शमिता शेट्टी सध्या काय करते, किती पैसे कमावते, हे तुम्हाला माहित आहे का? चला पाहूया…
शमिता शेट्टी बऱ्याच दिवसांपासून सिनेमांमध्ये दिसली नाही. ती गेल्या वर्षी ‘ब्लॅक विडो’ या वेबसीरिजमध्ये दिसली होती. त्याआधी ती बऱ्याच काळापासून सिनेजगतापासून दूर होती. शमिता एक अभिनेत्री तसेच इंटीरिअर डिझायनर आहे. यासह, ती अनेक ब्रँड एंडोर्समेंटशी जोडली गेली आहे.
शमिता सध्या कोट्यवधीं रुपये कमावत आहे, जरी ती चित्रपटसृष्टीपासून दूर असली, तरीही अनेक ब्रँड एंडोर्समेंटशी संबंधित कामांमधून लाखो रुपये कमावतो. शमिताची एकूण संपत्ती 1 ते 5मिलियन डॉलर्स म्हणजेच भारतीय रुपयांमध्ये जवळपास 37 कोटींपेक्षा अधिक असल्याचे सांगितले जाते. शमिताने बिग बॉसच्या घरात परत येण्यासाठी भरमसाठ फी घेतली आहे.
हेही पाहा- ‘या’ Tollywood कलाकारांच्या अभिनयाला तोडच नाही, Bollywood मध्येही दाखवलाय जलवा
‘बिग बॉस’च्या घरात शमिता शेट्टीला राकेश बापटची साथ मिळाली, दोघांनीही एकमेकांबद्दलचे प्रेम उघडपणे व्यक्त केले आणि आई सुनंदाच्या बाजूने ग्रीन सिग्नल मिळाला आहे.
याव्यतिरिक्त शिल्पा आणि शमिता या बहिणींबद्दल बोलायचं झालं, तर शमिता शेट्टी आणि शिल्पा शेट्टी एकमेकांवर खूप प्रेम करतात. दोघेही एकमेकांच्या सुख-दु:खात सोबत उभे असतात. शिल्पाने तिची बहीण शमितासाठी मुंबईतील एका रेस्टॉरंटमध्ये वाढदिवसाची पार्टी आयोजित केली आहे.
‘मोहब्बतें’ नंतर शमिता शेट्टीने ‘जहर’, ‘फरेब’, ‘बेवफा’ या सिनेमात काम केले, पण अभिनेत्रीचा आलेख उंचावण्याऐवजी खालीच पडत राहिला.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक कर
हेही वाचा-
‘मी एक सुरक्षित व्यक्ती असून मला माझ्या पत्नीवर…’ अभिषेक बच्चनने सांगितले पतिपत्नीच्या सुखी नात्याचे रहस्य
अर्थसंकल्पात मनाेरंजन क्षेत्राकडे दुर्लक्ष केल्याने चित्रपट निर्माते संतापले; म्हणाले, ‘आमचा कोणी विचार …’
