नवाजुद्दीन सिद्दीकी हा बॉलिवूडमधील सर्वोत्तम अभिनेत्यांपैकी एक आहे. आपल्या अभिनय कौशल्याने लाखो मने जिंकणाऱ्या या अभिनेत्याने अलीकडेच त्याच्या कारकिर्दीच्या सुरुवातीच्या दिवसांचे अनुभव शेअर केले. एका मुलाखतीत अभिनेत्याने सांगितले की त्याला एकेकाळी ‘अपारंपरिक नायक’ म्हणून संबोधले गेले होते. त्याने हे देखील उघड केले की त्वचेच्या रंगामुळे त्याचा आत्मविश्वास कमी झाला होता.
संभाषणादरम्यान, नवाजुद्दीन म्हणाला की अनेक वर्षांपासून तो ‘दिसायला चांगला मुलगा नाही’ असे वाटत होते. परंतु नंतर त्याच्या कारकिर्दीत त्याने स्वतःवर आत्मविश्वास वाढवला. अभिनेत्याने कबूल केले की इतरांप्रमाणेच तो देखील फेअरनेस क्रीमच्या दुनियेत अडकला आहे. तो म्हणाला, “सुरुवातीच्या दिवसांत, मी माझ्या त्वचेच्या रंगामुळे असुरक्षित होतो. मी खूप क्रीम लावायचो पण काहीही बदलले नाही. नंतर मला समजले की मी जसा आहे तसाच मी ठीक आहे.”
नवाजुद्दीनने सांगितले की, लोक ज्या प्रकारे त्याच्याकडे बघत होते, त्यामुळे त्यालाही तसंच वाटू लागलं होतं, पण जेव्हा तो त्या वातावरणातून बाहेर आला तेव्हा सगळंच बदललं. तो म्हणाला, “बर्‍याच दिवसांपासून मला असे वाटत होते की मी चांगले दिसत नाही, परंतु जेव्हा मी बाहेर गेलो तेव्हा मला समजले की मी ठीक आहे, माझा चेहरा ठीक आहे,”
त्यानंतर नवाजुद्दीन म्हणाला की, जेव्हापासून तो स्वतःला वेगळ्या पद्धतीने पाहतो तेव्हापासून त्याच्या त्वचेच्या रंगामुळे त्याची असुरक्षितता हळूहळू कमी होऊ लागली. “तुम्ही कसे दिसता याबद्दल आत्मविश्वास असणे खूप महत्वाचे आहे. असुरक्षितता ज्या सामान्यतः इतर लोकांकडून येतात.”
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
जड आवाजामुळे वर्गातून हाकलले जायचे, नंतर त्याच आवाजाने दिली खरी ओळख; वाचा पॉप क्वीन उषा उत्थुपबद्दल
सिनेसृष्टी दुःखसागरात! हृदयविकाराच्या झटक्याने पुन्हा घेतला एक जीव
