बाॅलिवूड अभिनेता रणबीर कपूरच्या चाहत्यांची कमतरता नाही. अभिनेता जिथे-जिथे जातो तिथे चाहत्यांची गर्दी हाेते. प्रत्येकजण अभिनेत्यासोबत फोटो क्लिक करण्याचा प्रयत्न करतो. रणबीरही त्याच्या चाहत्यांना मोठ्या प्रेमाने भेटतो. पण, नुकतेच अभिनेत्याला काय झाले ते कळले नाही आणि त्याने चाहत्याचा माेबाईल फेकून टाकला. हा व्हिडिओ सोशल मीडियावर माेठ्या प्रमाणात व्हायरल होत आहे. या व्हिडीओमागचे सत्य काय आहे, हे अद्याप समोर आलेले नसले तरी नेटकऱ्यांनी यावर अतिशय रोचक प्रतिक्रिया दिल्याचे दिसत आहे.
व्हिडिओमध्ये एका चाहत्याने रणबीरसोबत सेल्फी काढल्याचे पाहायला मिळत आहे. रणबीरही आनंदाने पोज देताना दिसत आहे. मात्र, यानंतर युजर पुन्हा सेल्फी घेतो, ज्यानंतर रणबीर चाहत्याच्या हातातून मोबाईल घेतो आणि मागे फेकतो. यादरम्यान रणबीरच्या चेहऱ्यावर राग स्पष्ट दिसत आहे. रणबीरलाही असे वागताना पाहून युजर्स आश्चर्यचकित झाले आहेत.
रणबीर कपूरच्या या व्हिडिओचे सत्य काय आहे, हे अद्याप कळू शकलेले नाही. काही युजर्स दावा करत आहेत की, हा एक जाहिरात व्हिडिओ आहे. त्याचा पुढचा भाग अजून यायचा आहे. त्याचबरोबर काही युजर्स नाराज होताना दिसत आहेत. एका युजरने कमेंट करत लिहिले की, ‘आणि त्याचा चाहता बन’, तर दुसऱ्या युजरने लिहिले की, ‘कदाचित रणबीरला एक छान फोन घ्यायचा आहे.’ काही यूजर्सचे म्हणणे की, ‘रणबीर नक्कीच नाराज झाला असेल. म्हणूनच त्याने ते केले.’
View this post on Instagram
रणबीर कपूरच्या वर्कफ्रंटबद्दल बोलायचे झाले तर, तो लवकरच श्रद्धा कपूरसोबत ‘तू झूठी मैं मक्कर’मध्ये दिसणार आहे. या चित्रपटाचा ट्रेलर नुकताच प्रदर्शित झाला आहे. हा चित्रपट रोमँटिक-कॉमेडीने भरलेला आहे. या चित्रपटाद्वारे श्रद्धा कपूर आणि रणबीर कपूर पहिल्यांदाच रोमान्स करताना दिसणार आहेत. रणबीर कपूर बऱ्याच दिवसानंतर एका रोमान्स-कॉमेडी चित्रपटाद्वारे मोठ्या पडद्यावर पुनरागमन करत आहे. हा चित्रपट 8 मार्च 2023 रोजी होळीच्या मुहूर्तावर प्रदर्शित होणार आहे.(bollywood actor ranbir kapoor throws fan mobile netizens speculate it may be commercial ad some starts trolled video viral )
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
कुठे हाेतेय मारामारी तर कुठे तिकिटासाठी 10 हजार देण्याची तयारी, पाहा ‘पठाण’ ने कसा घातलाय धुमाकूळ
क्रिकेटनंतर आता मनोरंजनाच्याही मैदानावर उतरतोय धोनी, चित्रपटाचे मोशन पोस्टर आऊट
