क्रिती सेनाॅन ही बॉलिवूड इंडस्ट्रीतील एक उत्तम अभिनेत्री आहे. अलीकडेच ती ‘आदिपुरुष‘मध्ये ‘जानकी’च्या भूमिकेत दिसली होती. अशात आता तिने चित्रपटसृष्टीत आपली पकड मजबूत करण्यासाठी पावले उचलली आहेत. खरं तर, क्रिती आता अभिनेत्रीतून प्रोड्यूसर होणार आहे. याची माहिती खुद्द क्रितीने तिच्या चाहत्यांसाेबत साेशल मीडियावर शेअर केली.
खरे तर, क्रिती (kriti sanon) हिने तिच्या इन्स्टाग्रामवर एक व्हिडिओ शेअर केला आहे की, आता ती एक फिल्ममेकर म्हणून तिच्या करिअरची सुरुवात करणार आहे. क्रितीने तिच्या प्रोडक्शन हाऊसचा टीझर शेअर केला आहे. अभिनेत्री म्हणाली की, ‘ती तिच्या नवीन सुरुवातीसाठी खूप उत्साहित आहे. व्हिडिओसोबतच क्रितीने लिहिले की, गीअर्स बदलण्याची वेळ आली आहे. या जादुई इंडस्ट्रीत मी नऊ वर्षांपासून माझे स्वप्न जगत आहे. मी अभिनेत्री बनण्यासाठी छोटी पावले उचलली, विकसित झाले आणि गोष्टी शिकल्या. मला चित्रपट निर्मितीचा प्रत्येक पैलू आवडतो.’
क्रितीने पुढे लिहिले की, ‘आता आणखी काही करण्याची, अधिक चांगली बनण्याची, अधिक जाणून घेण्याची आणि तुमच्या आणि माझ्या हृदयाला स्पर्श करणाऱ्या आणखी स्टाेरी सांगण्याची वेळ आली आहे. सतत विकसित होण्यासाठी आणि स्वतःची सर्वात सुंदर व्हर्जन शोधण्याची गरज आहे. शेवटी मोठ्या मनाने आणि मोठ्या स्वप्नांसह ‘ब्लू बटरफ्लाय फिल्म’ सुरू करण्यासाठी खूप उत्सुक आहे. उद्या काहीतरी खास जाहीर करू. माझ्यासोबत रहा…’
View this post on Instagram
क्रिती सेनाॅन आता चित्रपट निर्माती बनली आहे. ‘ब्लू बटरफ्लाय फिल्म्स’ असे तिच्या प्रोडक्शन हाऊसचे नाव आहे. अभिनेत्रीच्या या पोस्टनंतर तिच्या चाहत्यांमध्येही आनंदाचा उत्साह पाहायला मिळाला आहे. अभिनेत्रीच्या या पोस्टवर अनेक सेलिब्रिटींसह चाहते प्रेमाचा वर्षाव करत आहेत आणि तिला शुभेच्छा देत आहेत. अभिनेत्री हुमा कुरेशीने क्रितीच्या पोस्टवर कमेंट केली की, ‘तुझे खूप खूप अभिनंदन. हे पाहून खूप आनंद झाला.’ त्याचवेळी अभिनेता वरुण धवनने लिहिले की, ‘क्रितीचे खूप खूप अभिनंदन.’
दुसरीकडे, क्रिती सेनॉनच्या आगामी चित्रपटांबद्दल बोलायचे झाले, तर ती लवकरच ‘भेडिया 2’, ‘गणपत: पार्ट वन’ आणि ‘सेकंड इनिंग’मध्ये दिसणार आहे.(bollywood actress kriti sanon launches own production house blue butterfly films adipurush actress shares teaser on social media)
अधिक वाचा-
एकता कपूरने फाडला हाेता स्मृती इराणींचा कॉन्ट्रॅक्ट; वर्षांनंतर केला खुलासा, म्हणाली…
सिंदूर लावून रेखाचा राॅयल फाेटाेशूट, आघाडीची अभिनेत्री कॅटरिना ही म्हणाली…
