गायक केके याचे 31 मे, 2022 रोजी रात्री कोलकाता येथे निधन झाले होते. तो कोलकाता येथील एका कॉलेज फेस्टमध्ये परफॉर्म करत होता, तेव्हा तो खाली पडले आणि त्याला कोलकाता येथील सीएमआरआय हॉस्पिटलमध्ये नेण्यात आले, जिथे डॉक्टरांनी त्याला मृत घोषित केले. त्याच्या पहिल्या अल्बम ‘पल’ने लोकप्रियता मिळवली. ज्यामध्ये ‘पल’, ‘यारों’ सारखी गाणी होती. ‘हम दिल दे चुके सनम’ चित्रपटातील ‘तडप तडप के’ या गाण्याने केकेच्या करिअरमध्ये एक मोठे वळण आले. केके आपल्या यशाचे श्रेय त्याची पत्नी ज्योतीला देतात. एका मुलाखतीत त्याने गायक हरिहरन यांना मुंबईत येण्याचे कारण सांगितले होते. बुधवारी (दि. 23 ऑगस्ट) गायक केकेचा जन्मदिवस. चला तर, त्यांच्या मुंबईत येण्यामागील कारणाविषयी जाणून घेऊयात…
केके (Krushnakumar Kunnath) याने सोनी म्युझिक इंडियाला दिलेल्या मुलाखतीत सांगितले होते की, संगीत उद्योगात काम करण्यासाठी 1994 मध्ये मुंबईत येण्यापूर्वी त्याने हॉटेल इंडस्ट्रीत काम केले होते. केकेनी शेअर केले की त्याची पत्नी ज्योतीने त्याचे स्वप्न पूर्ण करण्यासाठी आणि त्याचा पाठपुरावा करण्यासाठी त्याला खूप पाठिंबा दिला. आपल्या यशाचे श्रेय तो आपल्या पत्नीलाच देत असे.
केकेने दिलेल्या मुलाखतीत सांगितले होते की, तो एकदा दिल्लीत कुठेतरी गात होता, जिथे गायक हरिहरनने त्याची दखल घेतली. हरिहरन यांनी त्याच्या गायनाचे कौतुक केले आणि त्याना (केके) मुंबईला जाण्यासाठी प्रोत्साहित केले. काही काळानंतर केके मुंबईला आला.
केकेचे हिंदी चित्रपटातील पहिले गाणे ‘छोड आये हम वो गलियाँ’ हे ‘माचीस’मधील होते. विशेष म्हणजे, त्याच्या पहिल्या गाण्यात हरिहरन, सुरेश वाडकर आणि विनोद सहगल हे सहगायक होते. गुलजार यांनी हे गाणे लिहिले आहे. हे गाणे सुपरहिट झाले आणि आजही खूप ऐकले जाते.
केके याने देशातील अनेक भाषांमध्ये गाणी गायली. केकेने हिंदी व्यतिरिक्त तमिळ, तेलुगु, मराठी, कन्नड, बंगाली, मल्याळम, गुजराती आणि आसामी भाषेत अनेक गाणी गायली आहेत. प्रत्येक भाषेत त्याचे चाहते आहेत, जे आज त्यांची आठवण काढत आहेत.
महत्त्वाच्या बातम्या-
केकेची एकूण कमाई जाणून तुम्हाला आश्चर्य वाटेल, रोज खेळायचा लाखोंमध्ये
भांडं फुटलं रे! तेजस्वी प्रकाश अन् करण कुंद्राने गुपचूप केलं लग्न? ‘त्या’ पोस्टमुळे सर्वत्र माजली खळबळ
