बॉलिवूडच्या ‘भाईजान’चे एकूण पाच चित्रपट शेड्यूल झाले आहेत. ‘राधे: योर मोस्ट वाँटेड भाई’ ईदला म्हणजेच १३ मे रोजी रिलीझ होणार आहे. या व्यतिरिक्त ‘टायगर ३’ वर सध्या काम चालू आहे, तर साजिद नाडियाडवालाही ‘कभी ईद कभी दिवाली’ वर काम सुरू करण्याचा विचार करत आहेत. याखेरीज ‘अंतिम’ आणि ‘किक २’ देखील रांगेत आहेत. आजकाल कोरोनाच्या प्रकोपामुळे चित्रपटांचे शूटींग थांबले आहे. मात्र, अशातच बातमी येत आहे की, ‘कभी ईद कभी दिवाली’ चे नाव बदलून ‘भाईजान’ करण्यात येणार आहे.
माध्यमांतील वृत्तानुसार, निर्माते साजिद नाडियाडवाला यांनी या चित्रपटाचे नाव ‘भाईजान’ म्हणून नोंदवले देखील आहे. ‘भाईजान’ हे नाव चित्रपटाच्या कथेला शोभते असे साजिद यांनी माध्यमांना सांगितले आहे. मिळालेल्या माहितीनुसार, हा चित्रपट एकतेचा संदेश देईल. खास गोष्ट म्हणजे, या चित्रपटाची कहाणी सलमान खानच्या कुटुंबाने प्रेरित आहे. सलमानचे कुटुंब हे जातीय ऐक्याचे एक जिवंत उदाहरण आहे. ही एका अशा कुटुंबाची कहाणी असेल, ज्यात ईद आणि दिवाळी हे दोन्ही उत्सव मोठ्या उत्साहात साजरे केले जातात.
असे म्हटले जात आहे की, सलमान खानने आपला मागील अनुभव पाहून, चित्रपटाचे नाव बदलण्याचा निर्णय घेतला आहे. वास्तविक, सलमानचा मेहुणा आयुष शर्माच्या पहिल्या चित्रपटाचे नाव होते ‘लव रात्री.’ या नावाबद्दल बरीच खळबळ उडाली होती, म्हणून नंतर या चित्रपटाचे नाव ‘लव यात्री’ असे ठेवले गेले.
अक्षय कुमारच्या ‘लक्ष्मी’ चित्रपटाच्या बाबतीतही असेच काहीसे घडले होते. पहिल्यांदा चित्रपटाचे नाव ठेवले गेले ‘लक्ष्मी बॉम्ब’, ज्यावर लोकांनी बराच आक्षेप घेतला. लोकांच्या भावनांची काळजी घेत, अक्षयला चित्रपटाचे नाव बदलावे लागले. हा चित्रपट वर्ष २०२० मध्ये दिवाळीत रिलीझ झाला होता. तथापि, असे मानले जाते की, वादाच्या भोवऱ्यात अडकलेल्या चित्रपटांचा फ्रीमध्ये प्रचार होऊ लागतो. प्रेक्षकांची चित्रपटाबाबत उत्सुकता वाढत जाते आणि त्यात रस निर्माण होतो.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘दिलबर गर्ल’ नोरा फतेहीने शेअर केले नवीन फोटो, पाहून तुम्हीही म्हणाल, ‘अगं पडशील ना!’
