सध्याची हिरोईन नंबर वन दीपिका पदुकोणला जी लोकं जवळून ओळखतात, ते तिची नम्रता, परस्पर आदराची भावना आणि सर्वसमावेशक विकासासाठी केलेल्या प्रयत्नांची प्रशंसा करताना कधीही थकत नाहीत. गेल्या वर्षी तिच्या ब्लॉकबस्टर चित्रपटांची मालिका ‘पठाण’ चित्रपटापासून सुरू झाली होती आणि नंतर ‘जवान’च्या माध्यमातून आता ‘कल्की 2898’ पर्यंत पोहोचली आहे. यादरम्यान, तिने हृतिक रोशनसोबत ‘फायटर’मध्येही काम केले आणि या चार चित्रपटांचे कलेक्शन ४,००० कोटींच्या जवळपास झाले.
व्यापार तज्ञांच्या मते, जे दीपिकाने या चार चित्रपटांद्वारे ते केले आहे जे तिच्या आधीच्या आघाडीच्या नायिका हेमा मालिनी, श्रीदेवी आणि माधुरी दीक्षित त्यांच्या संपूर्ण कारकिर्दीत कधीही करू शकल्या नाहीत. पण, दीपिकासाठी हे यश म्हणजे आकाशातील फक्त एक तारा आहे अजून तिला तिच्या यशासाठी अजून बरेच तारे तोडायचे आहेत. ‘कल्की 2898 एडी’ या चित्रपटात काम करणे हा तिच्या आयुष्यातील एक योगायोग आहे जो कदाचित एखादा दैवी संकेत असावा असे ती मानते.
चित्रपटाच्या पडद्यावर गर्भवती महिलेची भूमिका साकारणारी अभिनेत्री खऱ्या आयुष्यातही प्रेग्नंट असल्याचे याआधी दिसले आहे. ‘जवान’ चित्रपटातील तिची आईची भूमिका आजही लोकांना आठवते. गेल्या वर्षी जन्माष्टमीला प्रदर्शित झालेल्या या चित्रपटात तिने देवकीसारखी भूमिका निभावली होती आणि यावेळी ‘कल्की 2898’ या चित्रपटात देखील तिने आपल्या मुलासाठी अग्निदिव्य पार केले. ‘पद्मावत’मधला जौहरचा सीन दीपिकाच्या आतापर्यंतच्या अभिनय प्रवासात मैलाचा दगड ठरला आहे, ‘कल्की 2898 एडी’ या चित्रपटात ती त्याहून एक पाऊल पुढे गेली आहे.
‘कल्की 2898 एडी’ चित्रपटाचे दिग्दर्शक नाग अश्विन याविषयी म्हणतात, “हा चित्रपट कलियुगातील विष्णू अवतार ‘कल्की’ बद्दल बोलतो. या चित्रपटातील आईच्या भूमिकेसाठी दीपिका पदुकोणसारखी सुंदर आणि प्रतिभावान अभिनेत्री माझी पहिली पसंती होती आणि जेव्हा मला दीपिका सापडली तेव्हा हि गोष्ट माझ्यासाठी आशीर्वाद असल्यासारखे वाटले.”
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
या अभिनेत्रींनी जुळवले राजकारण्यांशी सुत ! लग्नानंतर सोडली फिल्मी दुनिया…
