बॉलिवूड सुपरस्टार सलमान खान (Salman Khan) हा एक असा अभिनेता आहे, ज्याला कोणत्याही परिचयाची गरज नाही. तो त्याच्या दबंग स्टाईलने सर्वांचेच मन जिंकून घेण्यास यशस्वी ठरला आहे. त्याच्या चित्रपटातील अभिनय चाहत्यांच्या मनाला वेड लावतो. सलमान खान त्याच्या चित्रपटांव्यतिरिक्त त्याच्या अफेअर्समुळे खूप चर्चेत असतो. संगीता बिजलानी, सोमी अली (Somi Ali), ऐश्वर्या राय या अभिनेत्रींसोबतचे सलमान खानचे अफेअर नेहमीच चर्चेत असते. खासकरून सलमान आणि ऐश्वर्याचे नाते तेव्हाच चर्चेत आले जेव्हा सलमानने ऐश्वर्याला दारूच्या नशेत मारहाण केल्याच्या बातम्या आल्या होत्या. आता त्याची एक्स गर्लफ्रेंड सोमी अलीही असेच काही आरोप करत असल्याचं दिसत आहे.
सोमीने काय लिहिले?
खर तर, सोमी अलीने सोशल मीडियावर एक पोस्ट शेअर केली आहे. या पोस्टमध्ये त्याने सलमान खान आणि भाग्यश्री यांच्या ‘मैने प्यार किया’ या चित्रपटातील सीनचा स्क्रीनशॉट शेअर केला आहे. या स्क्रीन शॉटसह सोमी अलीने लिहिले की, “बॉलिवूडचा हार्वे वाइनस्टीन, एक दिवस तुम्हीही उघड व्हाल. तुम्ही ज्या महिलांवर अत्याचार केलेत त्या एक दिवस बाहेर येतील आणि त्यांचे सत्य सांगतील. जसे ऐश्वर्या राय बच्चनने केले.”
हार्वे वाइनस्टीन कोण आहे?
हार्वे वेनस्टीन हा एक प्रसिद्ध हॉलिवूड निर्माता आणि चित्रपट निर्माता आहे. हार्वे यांच्यावर बलात्कार, मारहाण, लैंगिक अत्याचार आणि धमक्या दिल्याचा आरोप एक, दोन नव्हे तर अनेक महिला आणि अभिनेत्रींनी केला होता. यामध्ये केट ब्लँकेट, लिसा कॅम्पबेल, अवा ग्रीन, अँजेना जोली या प्रसिद्ध अभिनेत्रींचा समावेश होता. त्यानंतर हार्वे वाइनस्टीनला न्यायालयाने २३ वर्षांच्या तुरुंगवासाची शिक्षा सुनावली होती.
ऐश्वर्यासोबत मारहाणीचा आरोप
एकेकाळी ऐश्वर्या राय आणि सलमान खान रिलेशनशिपमध्ये होते. मात्र, काही काळानंतर दोघांमध्ये वाद झाल्याच्या बातम्या समोर येऊ लागल्या. सलमानवर आरोप झाले होते की, तो ऐश्वर्या रायला दारूच्या नशेत मारहाण करायचा आणि तिला फोनवरून धमकावत असे. असे असले तरी सलमान नेहमीच असे सर्व आरोप फेटाळत होता.
सोमी ही सलमानची होती पहिली गर्लफ्रेंड
सोमी अली ही पाकिस्तानी वंशाची अमेरिकन नागरिक आहे. सोमीला सलमान खानची खूप आवड होती आणि त्यामुळेच ती वयाच्या १६ व्या वर्षी मुंबईत आली होती. सोमी नंतर सलमानची गर्लफ्रेंड बनली पण त्यांचे नाते फार काळ टिकले नाही. १९९९ मध्ये हे नाते पूर्णपणे संपुष्टात आले, त्यानंतर सोमी अमेरिकेला परतली. यानंतर सोमीने आपले शिक्षण पूर्ण केले आणि आता ती एनजीओ चालवते.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा –
मुंबईतील ट्रॅफिक टाळण्यासाठी ‘या’ स्टार अभिनेत्याने केला लोकल ट्रेनमधून प्रवास, व्हिडिओ झाला व्हायरल
‘मी आता थकलोय’, प्रसिद्ध गायक लकी अली होणार निवृत्त, संगीतविश्वाला करणार बाय-बाय?
