हॉलिवूड अभिनेता चॅडविक बोसमॅनची शनिवारी (२८ ऑगस्ट) पहिली पुण्यतिथी होती. ‘ब्लॅक पँथर’ फेमच्या या स्टारला मार्वलसह हॉलिवूडच्या सर्व मोठ्या सेलिब्रिटींनी श्रद्धांजली वाहिली आहे. त्याच्या चाहत्यांनी त्याच्या पहिल्या पुण्यतिथीवर त्याची आठवण काढून, सोशल मीडियावर त्याच्याशी संबंधित फोटो आणि आठवणी शेअर केल्या आहेत. गेल्या वर्षी चॅडविक बोसमॅन याचे कर्करोगाने निधन झाले आहे. त्याने चार वर्षे कर्करोगाशी लढा दिला होता, मात्र तो हा लढा हरला आणि २८ ऑगस्ट, २०२० रोजी अभिनेत्याने अखेरचा श्वास घेतला.
मार्वल स्टुडिओने आपल्या सोशल मीडिया अकाऊंटवर दिवंगत चॅडविकचा एक फोटो शेअर केला आणि लिहिले की, “आमचे मित्र, आमची प्रेरणा आणि आमच्या राजाचा सन्मान करत आहोत.” ‘ब्लॅक पँथर’ चित्रपटात काम केलेली अभिनेत्री लुपिता न्योंगओ हिने देखील चॅडविकसोबतचा एक फोटो शेअर केला आणि त्यांना श्रद्धांजली वाहिली.
Honoring our friend, our inspiration and our King, Chadwick Boseman. pic.twitter.com/hpgocpe24p
— Marvel Studios (@MarvelStudios) August 28, 2021
लुपिता न्योंगओने लिहिले की, “मला माहित नव्हते की, मला त्याचे हसणे आणि शांत बसणे या दोन्ही गोष्टी एकत्र आठवाव्या लागतील. मी करत आहे… मी करत आहे. त्याच्या निधनाच्या एक वर्षानंतर देखील चॅडविक माझ्या मनात जीवंत आहे.” लुपिताने जो फोटो शेअर केला आहे, त्यामध्ये लुपिता आणि चॅडविक एका गॅलरीमध्ये उभे आहेत. ते दोघेही कोणत्यातरी गोष्टीवर खूप जोरात हसत आहे.
I did not know that I could miss both his laughter and his silence in equal measure. I do. I do… One year after his passing, the memory of @chadwickboseman remains this alive in me. pic.twitter.com/4y7H7Bhtpo
— Lupita Nyong'o (@Lupita_Nyongo) August 28, 2021
‘ऍव्हेंजर्स’ सिरीजमध्ये हल्क आणि ब्रूस बॅनरची भूमिका साकारणाऱ्या मार्क रुफोलोनेही त्याची आठवण काढली. त्याने चॅडविकचा फोटो शेअर करत लिहिले की, “विश्वास बसत नाही की, वेळ इतक्या वेगाने जातो. मी आज तुझ्याबद्दलच विचार करत आहे.”
Can’t believe how fast time has gone. Thinking of you today, @chadwickboseman.
???? Sam Jones pic.twitter.com/uKzLevgOe4
— Mark Ruffalo (@MarkRuffalo) August 28, 2021
अभिनेता जोश गॅडने लिहिले की, “एक वर्षानंतर, असा एक दिवस जात नाही, जेव्हा मला त्रास होत नाही. पण अंधारात तो नेहमी प्रकाशाची आठवण करून देतो. तो या ग्रहावरील देवदूत होता. मी तुझ्यावर प्रेम करतो आणि पहिल्यापेक्षा तुमची जास्त आठवण येते.”
Not a day goes by one year later, where it doesn’t still hurt. But in the darkness, he always reminds us of the light. He was an angel on this planet and is now a Saint on high. Love you and miss you more than ever… forever. #ChadwickBoseman https://t.co/uHOa8jLEKq
— Josh Gad (@joshgad) August 28, 2021
तुम्हालाही हे जाणून आश्चर्य वाटेल की, कर्करोगाशी लढाई दरम्यान त्याने ‘ब्लॅक पँथर’ आणि ‘ऍव्हेंजर’ सीरिजमधील शेवटच्या दोन मोठ्या चित्रपटांसह, अनेक चित्रपटांचे शूटिंग केले होते.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-अभिनयात येण्यापूर्वी ‘हे’ काम करायची श्रुती हासन; म्हणाली, ‘कोणालाही माहित नव्हते की…’
-Bigg Boss OTT: लाजून लाल झाली शमिता, जेव्हा करणने ‘हॉटनेस’वर प्रश्न विचारताच राकेश म्हणाला…
-‘टायगर ३’साठी कॅटरिना कैफ रशियाला रवाना; स्टंट सीन शूट करण्यासाठी घेतीये प्रचंड मेहनत
