Monday, June 24, 2024

फॅशन डिझायनर व्हर्जिल अबलोह वयाच्या ४१व्या वर्षी हारला कॅन्सरशी लढाई, बॉलिवूड कलाकारांनी व्यक्त केला शोक

प्रसिद्ध फॅशन डिझायनर आणि क्रिएटिव्ह डायरेक्टर व्हर्जिल अबलोह याचे निधन झाले आहे. कर्करोगाशी प्रदीर्घ लढा दिल्यानंतर त्याने वयाच्या ४१ व्या वर्षी जगाचा निरोप घेतला. व्हर्जिल अबलोह हा अमेरिकेतील सर्वोत्तम फॅशन डिझायनर्सपैकी एक होता. त्याच्या निधनाच्या माहितीनंतर केवळ हॉलिवूडच नाही, तर बॉलिवूड कलाकारांनाही धक्का बसला आहे. जागतिक अभिनेत्री प्रियांका चोप्रापासून ते मलायका अरोरापर्यंत अनेक बॉलिवूड सेलिब्रिटींनी त्यांच्या निधनावर शोक व्यक्त केला आहे.

व्हर्जिल दीर्घकाळापासून कार्डियाक अँजिओसारकोमा नावाच्या दुर्मिळ कर्करोगाशी लढत होता आणि रविवारी या लढाईत त्याचा पराभव झाला. लुई व्हिटॉन ब्रँडसाठी तो मेन्सवेअरचा कलात्मक संचालक होता. लक्झरी समूह एलवीएमएच (लुई वूटन मोएट हेनेसी) आणि अबलोह याच्या स्वत:च्या ऑफ-व्हाइट लेबलने त्याच्या निधनाची माहिती दिली. ऑफ-व्हाइट लेबलची स्थापना अबलोहने २०१३ मध्ये केली होती. त्याच्या निधनानंतर अनेक दिग्गज कलाकार त्याच्या आत्म्याला शांती लाभो यासाठी प्रार्थना करत आहेत.

करण जोहर
करण जोहरने त्याच्या इंस्टाग्राम स्टोरीवर व्हर्जिलचा फोटो शेअर केला आणि लिहिले, “हे हृदयद्रावक आहे! आरआयपी… शानदार फॅशन फोर्स… तुझी नक्कीच आठवण येईल.”

Photo Courtesy: Instagram/karanjohar

आनंद आहुजा
आनंद आहुजाने व्हर्जिलसोबतचा एक गोड क्षण शेअर केला आणि लिहिले, “@virgilabloh पुढे जाण्यास आणि ते साकार करण्यास घाबरतात, त्याचे त्याने स्वप्न पाहिले होते.”

प्रियांका चोप्रा
बॉलिवूड आणि हॉलिवूड स्टार प्रियांका चोप्राने लिहिले, “खूप लवकर निघून गेले.”

Photo Courtesy: Instagram/priyankachopra

मलायका अरोरा
अभिनेत्री मलायका अरोरा हिनेही डिझायनरचा फोटो शेअर केल्यानंतर ह्रदय तुटलेल्या इमोजीसह तिचे दुःख व्यक्त केले आहे.

Photo Courtesy: Instagram/malaikaaroraofficial

सोनम कपूर
अभिनेत्री सोनम कपूरनेही इंस्टा स्टोरीवर व्हर्जिल यांचे अनेक फोटो शेअर केले आहेत. तिने लिहिले की, “हे खूप दुःखद आहे. मला त्यांच्या कुटुंबाची वेदना जाणवते.. इतके तरुण आणि गतिमान. तुमच्या आत्म्याला शांती लाभो.”

Photo Courtesy: Instagram/sonamkapoor

फॅशनच्या दुनियेत व्हर्जिलने स्वतःची वेगळी ओळख निर्माण केली होती. कलाकार आणि इतरांनी व्हर्जिल अबलोह याच्यासोबत काम करणे हा त्यांचा विशेषाधिकार मानला. अबलोहच्या कुटुंबाने डिझायनरच्या इंस्टाग्राम अकाऊंटवर एक स्टेटमेंट जारी करून त्याच्या मृत्यूची माहिती दिली आहे. अबलोहला दोन वर्षांपूर्वी ‘कार्डियाक अँजिओसार्कोमा’ हा दुर्मिळ प्रकारचा कर्करोग असल्याचे निदान झाले होते, ज्यामध्ये हृदयात ट्यूमर होतो.

कुटुंबाकडून जारी करण्यात आलेल्या निवेदनात म्हटले आहे की, “२०१९ मध्ये कर्करोगाचे निदान झाल्यानंतर, त्याने जगाला न सांगता एकट्याने त्याच्याशी लढण्याचा निर्णय घेतला, अनेक आव्हानात्मक उपचार केले… तसेच फॅशन जगतात त्यांचे काम सुरू ठेवले.”  २०१८ मध्ये, लुई व्हिटॉन येथे पुरुषांच्या पोशाखांची रचना करणारी फ्रेंच डिझाईन हाउसच्या इतिहासातील अबलोह हा पहिले कृष्णवर्णीय व्यक्ती होता.

दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…

हेही नक्की वाचा-

-Birthday: लग्नाआधी लिव्ह-इनमध्ये होती नेहा पेंडसे, तर दोन मुलींचा पिता आहे अभिनेत्रीचा पती

-टॅटूची शौकीन आहे व्हीजे बानी, ‘रोडीज’चे अनेक सीझन होस्ट करून बनलीय तरुणांच्या गळ्यातील ताईत

-दुःखद! कोरिओग्राफर शिवा शंकर यांचे निधन, बराच काळ चालू होता कोरोनाशी लढा

हे देखील वाचा