मेगास्टार चिरंजीवी यांचा चित्रपट येण्याआधीच चर्चेत राहतो. मात्र, ते बऱ्याच काळानंतर पुन्हा चित्रपटात दिसणार आहेत. त्यांची एक वेगळी फॅन फॉलोविंग आहे. त्यांच्या चाहत्यांना ते देवासारखे हवे आहेत आणि आता ते त्यांच्या आगामी चित्रपटात ‘शंकर’ ही व्यक्तिरेखा साकारणार असल्याने चाहत्यांना एक वेगळेच सरप्राईज मिळणार आहे. या चित्रपटाकडून निर्मात्यांना खूप अपेक्षा आहेत. चित्रपट अजूनही शेवटच्या टप्प्यात आहे. या चित्रपटाचे शूटिंगही शेवटच्या टप्प्यात असून, त्याचे शूटिंग हैदराबादमध्ये सुरू आहे. प्रेक्षकांमध्ये या चित्रपटाबद्दल प्रचंड उत्सुकता आहे. या चित्रपटाचा फर्स्ट लूकही लवकरच येणार आहे.
‘या’ चित्रपटाचा फर्स्ट लूक १ मार्चला येणार आहे समोर
मेगास्टार चिरंजीवी (Chiranjeevi) अभिनित ‘भोला शंकर’ (Bhola Shankar) या चित्रपटाचा फर्स्ट लूक १ मार्च रोजी महाशिवरात्रीच्या मुहूर्तावर प्रदर्शित होणार आहे. ही बातमी शेअर करत निर्मात्यांनी ट्वीट केले की, बहुप्रतिक्षित ‘भोला शंकर’ चित्रपटाचा फर्स्ट लूक सकाळी ९:०५ वाजता प्रदर्शित केला जाईल. ऍक्शन ड्रामामध्ये चिरंजीवी ‘शंकर’ची मुख्य भूमिका साकारताना दिसणार आहेत. शंकर हे भगवान शिवचे दुसरे नाव आहे आणि महाशिवरात्रीपेक्षा चांगला दिवस कोणता असू शकतो.
भोला शंकर
राष्ट्रीय पुरस्कार विजेती अभिनेत्री कीर्ती सुरेश या चित्रपटात चिरंजीवी यांच्या बहिणीच्या भूमिकेत दिसणार आहे. तर ‘बाहुबली’ स्टार तमन्ना भाटिया चिरंजीवी यांच्यासोबत मुख्य भूमिकेत दिसणार आहे. महती स्वरा यांनी चित्रपटाला संगीत दिले आहे, तर डुडले यांनी चित्रपटाचे छायाचित्रण केले आहे. दरम्यान, मार्तंडच्या व्यंकटेश यांनी चित्रपटाचे संपादन केले आहे.
सत्यानंद यांनी ‘भोला शंकर’ची कथा लिहिली असून, डायलॉग तिरुपती मामिदला यांनी लिहिले आहेत. चिरंजीवी यांचा पुढचा चित्रपट यावर्षी चित्रपटगृहात दाखल होण्याची शक्यता आहे.
चिरंजीवी यांच्या वैयक्तिक आयुष्याबद्दल बोलायचे झाले, तर २० फेब्रुवारी १९८० रोजी चिरंजीवी यांनी तेलुगु कॉमेडियन अल्लू रामलिंगय्या यांची मुलगी सुरेखाशी लग्न केले. त्यांना दोन मुली, सुष्मिता आणि श्रीजा आणि एक मुलगा राम चरण तेजा, जो टॉलिवूडचा प्रसिद्ध अभिनेता आहे.
चिरंजीवी यांच्याकडे आहेत बरेच चित्रपट
चिरंजीवी यांच्या इतर प्रोजेक्टमध्ये कोरटाळा शिवाच्या ‘आचार्य’चा समावेश आहे. हा अभिनेता पुन्हा एकदा राम चरण आणि काजल अग्रवाल यांच्यासोबत मुख्य भूमिका करताना दिसणार आहे. मॅटिनी एंटरटेनमेंट आणि कोनिडेला प्रॉडक्शन कंपनीने सपोर्ट केलेला ‘आचार्य’ २९ एप्रिलला चित्रपटगृहात दाखल होणार आहे. चिरंजीवी यांच्याकडे २०२२ साठी मोहन राजाचा ‘गॉडफादर’ देखील आहे.
हेही वाचा –
- चिरंजीवी अभिनित ‘भोला शंकर’ चित्रपटाचा फर्स्ट लूक महाशिवरात्रीला होणार प्रदर्शित, जाणून घ्या संपूर्ण माहिती
- अभिनेत्री अनन्या पांडेने चोरलाय बेस्ट फ्रेंड शनाया कपूरचा जांभळा ड्रेस, पुरावे आले समोर
- बाहुबली फेम अभिनेत्री तमन्ना भाटियाच्या बोल्ड आणि मादक बॅकलेस अवताराने लावली सोशल मीडियावर आग
