माजी अभिनेत्री सना खानची (Sana Khan) आई सईदा यांचे निधन झाले आहे. आरोग्याच्या समस्यांमुळे त्यांनी जगाचा निरोप घेतला. सना खाननेमंगळवार, २४ जून रोजी सोशल मीडियावर ही माहिती शेअर केली आहे. तिने लोकांना तिच्यासाठी प्रार्थना करण्याची विनंती देखील केली आहे.
सना खानने तिच्या इंस्टाग्राम स्टोरीवर एक पोस्ट शेअर केली आहे. त्यात लिहिले आहे, ‘इन्ना लिल्लाही वा इन्ना इलयहा राजीऊं. माझी प्रिय आई सईदा आजारी पडल्यानंतर अल्लाहकडे परतली आहे. सकाळी ९:४५ वाजता ओशिवरा कब्रस्तानमध्ये ईशाच्या नमाजानंतर नमाज-ए-जनाजा अदा केली जाईल. माझ्या आईसाठी तुमच्या प्रार्थना मदत करतील’.
सना खान काही काळापूर्वी सौदी अरेबियाहून परतली आहे. ती तिचे पती मुफ्ती अनस यांच्यासोबत हज करण्यासाठी तिथे गेली होती. हजवरून परतल्यानंतर सनाने हजची काही झलक सोशल मीडियावर शेअर केली.
सना खान एकेकाळी बॉलिवूडमध्ये एक मोठे नाव होते. तिने सलमान खानच्या ‘जय हो’ आणि अक्षय कुमारच्या ‘टॉयलेट एक प्रेम कथा’ सारख्या अनेक मोठ्या चित्रपटांमध्ये काम केले. तथापि, २०२० मध्ये तिने शोबिझच्या जगाला निरोप दिला. आता सना ‘हया बाई सना खान’ नावाचा स्वतःचा व्यवसाय चालवते. या कंपनीअंतर्गत ती अबाया आणि हिजाब सारखी उत्पादने विकते.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
परी म्हणू की सुंदरा! प्राजक्ता माळीचे सुंदर फोटो व्हायरल
अमिताभ नेहमी अभिषेकचं कौतुक करतात, पण जया-ऐश्वर्याचं नाही का?
