‘द कपिल शर्मा शो’मध्ये येणारा प्रत्येक व्यक्ती खळखळून हसल्या शिवाय परत जात नाही. अशातच या शोमध्ये आठवड्याच्या शेवटी जुही चावला येणार आहे. इथे आल्यानंतर ती शाहरुख खानशी संबंधित एका गोष्टीचा खुलासा करणार आहे. अर्चना सिंग यांनी या शोचा एक व्हिडिओ शेअर केला आहे. हा व्हिडिओ सध्या सोशल मीडियावर खूप व्हायरल होत आहे.
अर्चना यांनी शेअर केलेल्या व्हिडिओमध्ये जुहीने एक मोठा खुलासा केला आहे. ती म्हणाली की, “तुम्हाला माहिती आहे का? ‘डर’ या चित्रपटामध्ये शाहरुखचा रोल आधी दारा सिंगला दिला होता.”
शाहरुख खानला ९० च्या दशकामध्ये प्रदर्शित झालेला चित्रपट ‘डर’मधून खूप लोकप्रियता मिळाली. या चित्रपटातील त्याच्या क..क..क..किरण या डायलॉगमुळे तो चांगलाच प्रकाशझोतात आला. या चित्रपटामध्ये सनी देओल मुख्य भूमिकेत होता. परंतु शाहरुखच्या अभिनयापुढे तो फिका पडला होता. तसेच या चित्रपटामध्ये मुख्य अभिनेत्रीची भूमिका जुही चावलाने साकारली होती.
‘डर’ या प्रसिद्ध चित्रपटाचे दिग्दर्शन यश चोप्रा यांनी केले होते. त्यावेळी अनेक वेगवेगळ्या गोष्टी समोर येत होत्या. सनी देओलने या चित्रपटानंतर शाहरुख बरोबर काम न करण्याचा निर्णय घेतला होता. कारण त्याचे असे म्हणणे होते की, त्याला या चित्रपटामध्ये डावलण्यात आले आहे.
जूहीच्या अभिनयाबद्दल बोलायचे झाल्यास तिने आजवर अभिनय क्षेत्रात स्वतःचे मोठे नाव कमावले आहे. ‘सल्तनत’ या चित्रपटांमधून तिने बॉलिवूडमध्ये पदार्पण केले. त्यांनंतर तिने ‘कयामत से कयामत तक’, ‘हम है राही प्यार के’, ‘घर की इज्जत’, ‘भाग्यवान’ अशा अनेक चित्रपटांमध्ये अभिनय केला. तसेच लवकरच ती ‘शर्माजी नमकीन’ या चित्रपटामध्ये झळकणार आहे. या चित्रपटामध्ये दिवंगत अभिनेते ऋषी कपूर देखील दिसणार आहेत. त्यांच्या निधनामुळे निर्मात्यांनी ऋषी कपूर यांनी केलेल्या अभिनयाचा भाग तसाच ठेवला आहे. पुढे त्यांनी साकारलेले पात्र परेश रावल साकारताना दिसणार आहेत.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-चित्रपटाच्या प्रमोशनसाठी कपिल शर्मा शोमध्ये आलेला सैफ अली खान सेट पाहून झाला नाराज म्हणाला…
-आर्यनमुळे शाहरूख खानला पहिला झटका! ‘या’ बड्या कंपनीकडून जाहिराती रोखण्याचा निर्णय
