दाक्षिणात्य अभिनेता ज्युनियर एनटीआर (Junior NTR) सध्या त्याच्या नुकत्याच प्रदर्शित झालेल्या ‘आरआरआर’ चित्रपटामुळे चर्चेत आहे. या चित्रपटाने बॉक्स ऑफिसवर जोरदार कमाई करत सगळ्यांनाच थक्क केले होते. या चित्रपटातील दमदार अभिनयामुळे ज्युनिअर एनटीआरचे चांगलेच कौतुक झाले होते. त्याचबरोबर हा चित्रपटही प्रेक्षकांना खूप आवडला. रिलीजसह, हा चित्रपट जगभरात १००० कोटी कमावणारा तिसरा भारतीय चित्रपट ठरला. या चित्रपटानंतर हा अभिनेता पुन्हा एकदा ज्युनिअर एनटीआर चर्चेत आला आहे. ही चर्चा त्याच्या आगामी चित्रपटामुळे नव्हे, तर एका फोटोमुळे रंगली आहे.
अलीकडेच साऊथ सुपरस्टार ज्युनियर एनटीआरने प्रसिद्ध सेलिब्रिटी फोटोग्राफर डब्बू रत्नानीसाठी फोटोशूट केले आहे. समोर आलेल्या फोटोशूटच्या फोटोमध्ये तो शर्टलेस दिसत आहे. इतकंच नाही, तर फोटोमध्ये तो त्याची टोन्ड आणि मस्क्युलर बॉडीही फ्लॉंट करत आहे. त्याचबरोबर या फोटोत ज्युनियर एनटीआरचे सिक्स पॅक ऍब्सही सर्वांचे लक्ष वेधून घेत आहेत. एनटीआरच्या या फोटोला अनेकजण पसंती देत आहेत, तर अनेक जण त्याला त्याच्या फोटोमुळे ट्रोल करत आहेत. हा फोटो समोर आल्यावर सोशल मीडियावर लोकांच्या संमिश्र प्रतिक्रिया पाहायला मिळत आहेत.
या फोटोवर चाहत्यांनी प्रतिक्रिया देताना, ‘तुम्ही बनावट फोटो दाखवाल असे वाटले नव्हते’ असे म्हणले आहे. तर आणखी एकाने यावर प्रतिक्रिया देताना, ‘नकली सिक्स पॅक आहेत’ असे म्हणत थेट ट्रोल केले आहे. प्रेक्षकांकडून अशा प्रतिक्रिया येण्याचे कारण म्हणजे गेल्या महिन्यात आलेल्या ‘आरआरआर’ चित्रपटात त्याने वजन वाढवले होते. अशा स्थितीत एनटीआरच्या शरीरात झालेला बदल लोकांच्या मनाला पटलेला नाही. याच कारणामुळे नेटकरी ज्युनियर एनटीआर तसेच डब्बू रत्नानीला ट्रोल करत आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
- प्रसिद्ध गायकाचे दुःखद निधन, मार्च महिन्यातच कोमातून बाहेर आला होता
- काय सांगता! शहनाज गिल ‘भाईजान’सोबत करणार बॉलिवूडमध्ये पदार्पण? जाणून घ्या पूर्ण प्रकरण
- अक्षय कुमारनंतर ‘केजीएफ’ स्टार यशला मिळाली पान मसाल्याची ऑफर, अभिनेता म्हणाला…
