नुकतेच भाजपने हिमाचल प्रदेशातील मंडी मतदारसंघातून अभिनेत्री कंगना रणौतला लोकसभा निवडणुकीसाठी उमेदवार बनवले आहे. तिच्या नावाची घोषणा झाल्यापासून चित्रपट कलाकारांसह राजकारण्यांच्या प्रतिक्रिया समोर येत आहेत. अशातच काँग्रेस नेत्या सुप्रिया श्रीनेट यांनी अभिनेत्रीबाबत एक पोस्ट टाकल्याने वाद निर्माण झाला आहे.
सुप्रिया यांनी कंगनाच्या फोटोसह आक्षेपार्ह पोस्ट शेअर केली होती, त्यानंतर भाजप नेते काँग्रेसवर जोरदार हल्लाबोल करत आहेत. ही पोस्ट नंतर हटवण्यात आली असली तरी या प्रकरणाचा वाद थांबताना दिसत नाही. आता या पोस्टवर कंगना राणौतची प्रतिक्रियाही समोर आली आहे.
कंगनाने सुप्रियाच्या पोस्टचा स्क्रीनशॉट शेअर केला आणि X वर लिहिले, “प्रिय सुप्रिया जी, मी कलाकार म्हणून माझ्या गेल्या 20 वर्षांच्या कारकिर्दीत सर्व प्रकारच्या महिला पात्र साकारल्या आहेत. राणीमधील एका निष्पाप मुलीपासून ते धाकडमधील गुप्तहेरपर्यंत, मणिकर्णिकामधील देवीपासून चंद्रमुखीतील राक्षसापर्यंत. रज्जोमधील वेश्येपासून ते थलायवीमधील क्रांतिकारक नेत्यापर्यंत. आपण आपल्या मुलींना पूर्वग्रहाच्या बंधनातून मुक्त केले पाहिजे. त्यांच्या शरीराच्या अवयवांबद्दल उत्सुकतेने आपण वर चढले पाहिजे. याव्यतिरिक्त, आम्ही लैंगिक कार्यकर्त्यांच्या आव्हानात्मक जीवनाचे किंवा परिस्थितीचे वर्णन करण्यासाठी अशा अपशब्द वापरणे टाळले पाहिजे. प्रत्येक स्त्री तिच्या सन्मानास पात्र आहे…” अशा शब्दात तिने हल्लाबोल केला आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
ऐश्वर्या-अभिषेकने कुटुंबासोबत लुटला होळीचा आनंद, आराध्याचेही फोटो व्हायरल
कुटुंबासह दुबईला रवाना झाला अल्लू अर्जुन, त्याच्याच मेणाच्या पुतळ्याचे करणार अनावरण
