अभिनेता आणि राजकारणी मिथुन चक्रवर्ती (Mithun Chakraborty) यांनी अलीकडेच पश्चिम बंगाल सरकारवर टीका केली आहे. आरजी कार मेडिकल कॉलेज आणि हॉस्पिटलमधील प्रशिक्षणार्थी डॉक्टरवर झालेल्या बलात्कार आणि हत्येप्रकरणी त्यांनी न्याय देण्याची मागणी केली आहे. वृत्तानुसार, भाजप पश्चिम बंगालच्या अधिकृत X खात्याने एक व्हिडिओ शेअर केला आहे ज्यामध्ये मिथुन आपली निराशा व्यक्त करताना दिसत आहेत.
मिथुन व्हिडिओमध्ये असे म्हणत आहे की, ‘मी अनेक ठिकाणी अनेक वेळा सांगितले आहे की, येत्या काही दिवसांत पश्चिम बंगालमधील परिस्थिती खूप भयानक असेल. बंगाली असल्याने मी माझे डोके उंच करून चालू शकत नाही.’ अभिनेता पुढे म्हणाला, ‘माझी सहानुभूती पीडितेच्या कुटुंबासोबत आहे. यात सहभागी असलेल्यांना तात्काळ अटक करून शिक्षा व्हावी.
আর জি করে ছাত্রী খুনের মত নৃশংস ঘটনা, পশ্চিমবঙ্গ জুড়ে মহিলাদের অসুরক্ষার প্রতিবাদে তথা 'অভয়ার' বিচারের দাবিতে মহাগুরু মিঠুন চক্রবর্তীর বক্তব্য। #ResignNowMamata pic.twitter.com/AG06A0eOzo
— BJP West Bengal (@BJP4Bengal) August 18, 2024
ट्विटरवर व्हिडिओ शेअर करताना त्यांनी लिहिले की, ‘पश्चिम बंगालमध्ये विद्यार्थिनींची हत्या यासारखे अत्याचार, महिलांच्या असुरक्षिततेविरोधात मिथुन चक्रवर्ती यांचे भाषण आणि ‘अभया’साठी न्यायाची मागणी.’
फेब्रुवारी २०२४ मध्ये मिथुनला शूटिंगदरम्यान छातीत दुखू लागल्याने कोलकाता येथील अपोलो हॉस्पिटलमध्ये दाखल करण्यात आले होते. त्यांना ब्रेन स्ट्रोक झाल्याचे निदान झाले. मात्र, नंतर त्यांना १२ फेब्रुवारीला रुग्णालयातून डिस्चार्ज देण्यात आला. रिपोर्ट्सनुसार, जेव्हा अभिनेत्याला हॉस्पिटलमध्ये दाखल करण्यात आले तेव्हा त्याने प्रतिक्रिया दिली की प्रत्येकाने आपल्या आहारावर नियंत्रण ठेवावे. मिथुन चक्रवर्ती शेवटचा सुमन घोषचा हिट बंगाली चित्रपट ‘काबुलीवाला’ मध्ये दिसला होता.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
रक्षाबंधनाला आमिर खानने केले हे अनोखे काम, सोशल मीडियावर होतीये चर्चा
प्रियांकाच्या पावलावर पाऊल ठेवणार परिणीती चोप्रा; परदेशी चित्रपटात करणार काम
