दाक्षिणात्य अभिनेत्री नयनतारा (nayanthara) आणि विघ्नेश शिवन (Vignesh Shivan) यांचा विवाह सोहळा मोठ्या थाटामाठात पार पडला. अनेक महिन्यांपासून त्यांच्या लग्नाची जोरदार चर्चा सुरू होती. या चर्चांना पुर्णविराम देत दोघांनी लग्नगाठ बांधण्याचा निर्णय घेतला. या शाही विवाह सोहळ्याची सध्या सर्वत्र जोरदार चर्चा सुरू आहे. नयनतारा आणि विघ्नेशच्या लग्नाला अनेक बड्या कलाकारांनी उपस्थिती लावली होती. लग्नानंतर नव्या आयुष्याला सुरूवात करणाऱ्या नयनताराला सासरच्या मंडळींनी अनेक महागड्या बक्षिसांचा वर्षाव केला आहे ज्याची किंमत करोडोंमध्ये आहे.
साउथ सिनेसृष्टीतील सुंदर अभिनेत्री नयनतारा आणि निर्माता विघ्नेश शिवन यांचा विवाह ९ जून २०२२ रोजी चेन्नईच्या महाबलीपुरम येथील एका रिसॉर्टमध्ये झाला. नयनताराच्या लग्नाची साऊथपासून बॉलिवूडपर्यंत खूप चर्चा झाली. लग्नाचा फोटो व्हिडिओ सोशल मीडियावर खूप व्हायरल झाले होते. नयनतारा आणि विघ्नेश खूप दिवसांपासून रिलेशनशिपमध्ये होते. पण लग्नानंतर आता दोघांनीही आपल्या नव्या आयुष्याला सुरुवात केली आहे. बातमीनुसार, लग्नानंतर नयनताराने पती विघ्नेश आणि सासरच्या लोकांना खूप महागडे गिफ्ट दिले आहे.
रिपोर्ट्सनुसार, नयनताराने तिचा पती विघ्नेशला 20 कोटींचा बंगला गिफ्ट केला आहे. हा बंगला विघ्नेशच्या नावावर नोंदणीकृत आहे. अभिनेत्रीने तिची वहिनी ऐश्वर्याला 30 सोन्याचे दागिनेही भेट दिले आहेत. याशिवाय नयनताराने जवळच्या नातेवाईकांना महागड्या भेटवस्तूही दिल्या आहेत. यावरून लग्नानंतर नयनतारा सासरच्या लोकांवर प्रेमाचा वर्षाव करत असल्याचे स्पष्ट झाले आहे. नयनताराने लग्नात घातलेले दागिने विघ्नेशने खरेदी केले होते, ज्याची किंमत सुमारे 3 कोटी होती. याशिवाय विघ्नेशने लग्नात नयनताराला 5 कोटींची अंगठी घातली होती. विघ्नेशने सर्वप्रथम सोशल मीडियावर लग्नाचा फोटो शेअर केला होता.
लाल रंगाच्या साडीत नयनतारा अतिशय सुंदर दिसत होती. तसेच तिने कुंदन आणि हिऱ्याचा हार घातला होता. दुसरीकडे, विघ्नेश क्रीम कलरचा धोती कुर्ता आणि शाल अशा पारंपरिक पोशाखात दिसला. नयनतारा आणि विघ्नेशच्या लग्नात मनोरंजनापासून ते राजकारण जगतातील नामवंत मंडळी सहभागी झाली होती. शाहरुख खान, रजनीकांत, कार्ती, अनिरुद्ध रविचंदर, दिलीप, बोनी कपूर आणि ऍटली या लग्नाला उपस्थित होते. याशिवाय तामिळनाडूचे मुख्यमंत्री एमके स्टॅलिन यांना आमंत्रित करण्यात आले होते.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- हेही वाचा-
- पती रितेश विरोधात तक्रार करण्यासाठी बॉयफ्रेंडसोबत राखी सावंत पोहचली पोलीस स्टेशनात, रडत रडत म्हणाली…
- अभिनेता धीरज धूपरचा ‘कुंडली भाग्य’ला निरोप, शो सोडल्याचा भावनिक खुलासा देत सांगितले भविष्यातील नियोजन
- सलमान, शाहरुख की आमीर खान? कोण आहे सर्वाधिक संपत्तीचा मालक? जाणून घ्या खान मंडळींची एकूण संपत्ती
