24 सप्टेंबर रोजी बॉलिवूड अभिनेत्री परिणीती चोप्रा (Parineeti chopra) आणि आम आदमी पार्टीचे नेते राघव चढ्ढा विवाहाच्या पवित्र बंधनात अडकले आहेत. उदयपूरमधील एका आलिशान हॉटेलमध्ये एका शानदार सोहळ्यात दोघांचा विवाह झाला. लग्नानंतर, त्यांच्या लग्नाचे अनेक व्हिडिओ आणि फोटो इंटरनेटवर समोर आली आहेत, ज्यात त्यांची केमिस्ट्री दिसते. आता नवविवाहित वधू परिणीती चोप्राचा एक व्हिडिओ समोर आला आहे, ज्यामध्ये तिने पती राघव चढ्ढाला एक छान भेट दिली आहे.
परिणीती चोप्रा आणि राघव चढ्ढा यांनी 24 सप्टेंबर रोजी उदयपूरच्या लीला पॅलेस हॉटेलमध्ये त्यांच्या प्रियजनांसोबत लग्न केले. त्यांच्या भव्य समारंभाचा एक व्हिडिओ सोशल मीडियावर समोर आला, ज्यामध्ये या जोडप्यामधील भावनिक क्षण कैद झाला. व्हिडिओमध्ये, परिणिती आणि राघव त्यांच्या लग्नाच्या पोशाखात आणि हारांनी सजलेले दिसत आहेत. परिणीतीने तिचा नवरा राघव यांच्यावरील प्रेम आणि आपुलकी व्यक्त करण्यासाठी एक गाणे रेकॉर्ड केले, जे त्यांच्या लग्न समारंभात वाजवले गेले.
परिणीती एक प्रतिभावान गायिका आहे आणि तिने याआधीही तिच्या चित्रपटातील गाण्यांना आवाज दिला आहे. तिच्या लग्नासाठी तिने गौरव दत्ताने संगीतबद्ध केलेले ‘ओ पिया’ हे गाणे रेकॉर्ड केले. हे मधुर गाणे तिचे राघववरील प्रेम दर्शवते. परिणीती आणि राघव लंडनच्या दिवसांपासून एकमेकांना ओळखतात आणि आता ते आजीवन नात्यात आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘मला कधीच खरे प्रेम मिळाले नाही’, करण जोहरने सांगितला त्याचा प्रेमाचा अनुभव
कर्जबाजारी झालेल्या अमिताभ यांना यश चोप्रांच्या ‘मोहब्बते’ने दिला होता मदतीचा हात
