कॅटरिना, ईशान आणि सिद्धांत यांच्या ‘फोन भूत’चा ट्रेलर आऊट; चित्रपट या दिवशी होणार रिलीज

बॉलिवूडमधील प्रसिद्ध अभिनेत्री कॅटरिना कैफ(Katrina Kaif), अभिनेता सिद्धांत चतुर्वेदी(Siddhant Chaturvedi) आणि ईशान खट्टर(Ishaan Khatter) यांचा हॉरर कॉमेडी फोन भूत चा ट्रेलर आज प्रदर्शित झाला आहे. नाव ऐकून तुम्हाला हा हॉरर चित्रपट वाटेल, पण हा चित्रपट कॉमेडीने भरलेला आहे हे खरे आहे. खरं तर, या 2 मिनिट 49 सेकंदाच्या ट्रेलरमध्ये ‘फोन भूत’ या हॉरर कॉमेडी चित्रपटाची अशी झलक आहेत, ज्याने तुम्ही तुमच्या हसण्यावर नियंत्रण ठेवू शकणार नाही. चित्रपटात भरपूर कॉमेडी आहे, ज्याची बॉलिवूडचे चाहते खूप दिवसांपासून वाट पाहत होते. ट्रेलर पाहून चाहत्यांची उत्सुकता वाढली आहे.

फोनभूत या हॉरर कॉमेडी मनोरंजक शैलीसाठी हा चित्रपट चाहत्यांमध्ये चर्चेत असतानाच, कॅटरिना कैफ पहिल्यादाचं सुंदर भूताच्या रुपात पाहण्यासाठी देखील चाहते फार उत्सुक आहेत. अखेर प्रतीक्षा संपली, निर्मात्यांनी आज फोन भूत चा ट्रेलर रिलीज केला.

प्रेक्षकांसाठी हा ट्रेलर खरोखरच अनोखा अनुभव असून, यामध्ये सिद्धांत चतुर्वेदी आणि ईशान खट्टर भूत शिकारीचा भूमिकेत दिसणार आहेत. सिद्धांत चतुर्वेदी आणि इशान खट्टर जेव्हा जगातील सर्वात सुंदर भूत कॅतरिना कैफला भेटतात तेव्हा एक भयकारी प्रवास सुरु होतो. ट्रेलरमधील धम्माल मस्ती पाहताना चाहत्यांना एकीकडे कॅतरिना स्वतःची खिल्ली उडवताना दिसते आणि दुसरीकडे अनेक भयानक अनुभवांदरम्यान देखील हसू येईल. हा चित्रपट 4 नोव्हेंबर रोजी प्रेक्षकांच्या भेटीस येणार आहे.

भूल भुलैया 2 या चित्रपटानंतर चाहत्यांना फोन भूत हा हॉरर कॉमेडी चित्रपट चाहत्यांना पाहायला मिळणार आहे. गुरमीत सिंह दिग्दर्शित आणि रविशंकरन आणि जसविंदर सिंग बाथ लिखित, ‘फोन भूत’ हा चित्रपट रितेश सिधवानी आणि फरहान अख्तर यांच्या एक्सेल एंटरटेनमेंटद्वारा निर्मित आहे.

फोन भूत या हॉरर कॉमेडी चित्रपटाची काहाणी एका दुकानाभोवती विणली गेली आहे, जिथे भूत-प्रेत यांना कैद करण्याचे सामना विकले जाते. या चित्रपटाची निर्मिती फरहान अख्तरने केली आहे. या चित्रपटात जॅकी श्रॉफ, शीबा चड्ढा आणि निधी बिश्त हे कलाकार देखील महत्त्वाच्या भूमिकेत दिसणार आहेत. मोशन पोस्टरच्या सुरुवातीला इशान खट्टर खांद्यावर सांगाडा घेऊन दिसत आहे. यानंतर सिद्धांत आणि कतरिना देखील ईशान खट्टरसोबत बसलेले दिसत आहेत. ब्लॅक आउटफिटमध्ये कतरिना एखाद्या तांत्रिकाप्रमाणे भासत आहे. यासोबतच निर्मात्यांनी चित्रपटाचे पोस्टरही शेअर केले आहे.

दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
मराठमोळ्या माधुरी पवारने लंडनमध्ये नेसली साडी, सोशल मीडियावर रंगलीये एकच चर्चा
धक्कादायक! अभिनेत्री शिल्पा शेट्टीचा हाेताेय छळ? वाचा काय आहे प्रकरण…