मल्याळम मालिकाविश्वातून एक दुःखद बातमी समोर आली आहे. मल्याळम मालिका अभिनेत्री डॉ. प्रियाच्या हृदयविकाराच्या झटक्याने निधन झाले. वयाच्या 35व्या वर्षी झालेल्या या आकस्मिक निधनाने तिच्या कुटुंबावर दुःखाचा डोंगर कोसळला आहे. धक्कादायक बाब म्हणजे प्रिया ही आठ महिन्यांची गर्भवती होती.
प्रिया (Priya) ही मल्याळम मालिकाविश्वातील आघाडीच्या अभिनेत्रींपैकी एक होती. तिच्या अभिनयाला प्रेक्षकांनी नेहमीच भरभरून दाद दिली आहे. तिने ‘करुथामुथु’, यासह अनेक लोकप्रिय मालिकांमध्ये काम केले आहे. तिच्या अचानक निधनाने मालिकाविश्वात शोककळा पसरली आहे.
प्रियाचं निधन कसं झालं?
प्रिया ही दररोजच्या आरोग्य तपासणीसाठी रुग्णालयात गेली होती. त्याच वेळेस तिला हृदयविकाराचा झटका आला आणि तिचं निधन झालं. तिचं बाळ सध्या आयसीयूमध्ये आहे आणि त्याच्यावर उपचार सुरू आहेत.
प्रियाच्या निधनाबद्दल मल्याळम कलाकार मंडळीने शोक व्यक्त केला आहे. अभिनेते किशोर सत्याने फेसबुकवर पोस्ट लिहित प्रियाच्या निधनाबद्दल शोक व्यक्त केला आहे. त्याने लिहिलं, “प्रिया ही एक हुशार आणि प्रतिभावान अभिनेत्री होती. तिच्या अभिनयाने प्रेक्षकांना नेहमीच मंत्रमुग्ध केले आहे. तिच्या निधनाने मल्याळम मालिकाविश्वात एक मोठी पोकळी निर्माण झाली आहे. तिच्या आत्म्यास शांती लाभो.”
प्रिया ही एक लोकप्रिय अभिनेत्री होती. तिच्या अभिनयाने प्रेक्षकांना नेहमीच मंत्रमुग्ध केले आहे. तिच्या निधनाने मल्याळम मालिकाविश्वात एक मोठी पोकळी निर्माण झाली आहे. अभिनेत्री म्हणून डॉ. प्रियाने मल्याळम टीव्ही इंडस्ट्रीत आपली खास ओळख निर्माण केली होती. छोट्या पडद्यावरील चमकदार अभिनेत्रींमध्ये प्रियाचे नाव नेहमीच आघाडीवर असायचे.
अभिनेत्री असण्यासोबतच ती डॉक्टरही होती. अशा परिस्थितीत अभिनेत्रीच्या मृत्यूने मल्याळम टीव्ही जगताला मोठा धक्का बसला आहे. मोठी गोष्ट म्हणजे वयाच्या 35व्या वर्षी प्रियाचा मृत्यू झाल्याने सर्वांनाच धक्का बसला आहे. (Popular actress Dr who is eight months pregnant. Priya passed away due to heart attack)
आधिक वाचा-
–मंदिरात किसिंग सीन दिल्यामुळे उठला वाद, तर दुप्पट वयाच्या अभिनेत्रीसह रोमान्स करून चर्चेत आला होता ईशान
–स्वतःच्याच शरीराचा तिरस्कार ते रात्री झोपेत चालण्याची सवय, जाणून घ्या इलियाना डिक्रूझबद्दलच्या खास गोष्टी
