मे 2022 मध्ये ‘धर्मवीर- मुक्काम पोस्ट ठाणे‘ हा सिनेमा प्रेक्षकांच्या भेटीला आला होता. प्रविण तरडे दिग्दर्शित या सिनेमात प्रसिद्ध मराठी अभिनेता प्रसाद ओक याने मुख्य भूमिका साकारली होती. प्रसाद या सिनेमात धर्मवीर आनंद दिघे यांच्या भूमिकेत होता. बॉक्स ऑफिसवर या सिनेमाने तुफान कमाई केली होती. आता वर्षाच्या अखेरीस या सिनेमाच्या निर्मात्यांनी ‘धर्मवीर 2’ या सिनेमाची अधिकृत घोषणा केली आहे.
नुकताच ‘धर्मवीर’ (Dharmaveer) या सिनेमाचा वर्षपूर्ती कार्यक्रम पार पडला. खरं तर, मागील वर्षी 27 डिसेंबर रोजी ‘धर्मवीर’ सिनेमाच्या चित्रीकरणाला सुरुवात झालेली. त्यावेळी उभारलेल्या आनंद आश्रमाच्या प्रतिकृती सेटवर हा कार्यक्रम झाला. यावेळी निर्माते मंगेश देसाई (Magnesh Desai) यांनी ‘धर्मवीर 2’ या सिनेमाची अधिकृत घोषणा केली. यादरम्यान अभिनेता प्रसाद ओक (Prasad Oak) हादेखील यावेळी उपस्थित होता.
मंगेश देसाई यांनी त्यांच्या इंस्टाग्राम अकाऊंटवरून एक पोस्ट शेअर केली. यामध्ये त्यांनी काही फोटोंचाही समावेश केला आहे. ही पोस्ट शेअर करत त्यांनी “धर्मवीर- मुक्काम पोस्ट ठाणे भाग 2 लवकरच,” अशा आशयाचे कॅप्शन लिहिले आहे.
View this post on Instagram
मंगेश देसाई यांनी घोषणा करत म्हटले की, धर्मवीरांच्या अनेक गोष्टी बाकी आहेत. अनेक भागातही त्यांच्या गोष्टी संपणार नाहीत. त्यामुळे आम्ही 2024मध्ये ‘धर्मवीर 2’ सिनेमा घेऊन येतोय. त्यांनी सांगितले की, “धर्मवीर आनंद दिघे साहेब यांचे अनेक पैलू अद्याप समोर आले नाहीत. ते अजूनही लोकांपर्यंत पोहोचले नाहीत. याच कारणामुळे दुसऱ्या भागात या गोष्टी पाहायला मिळतील.”
प्रसाद ओकची वाहवा
कथा, पटकथा, संवाद आणि दिग्दर्शन करणाऱ्या प्रवीण तरडे यांच्या ‘धर्मवीर’ या सिनेमात अभिनेता प्रसाद ओक याने आनंद दिघे यांची भूमिका साकारून वाहवा लुटली होती. त्याच्या भूमिकेचे अनेक स्तरावरून कौतुक झाले होते. अनेकांना तर प्रसाद ओक हा खरोखरच आनंद दिघे असल्याचे भासले होते. आता ‘धर्मवीर 2’ या सिनेमात प्रसादच्या अभिनयाची जादू पुन्हा एकदा पाहायला मिळणार आहे.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
साऊथ सुपरस्टारचा सुरक्षा रक्षकांवरच आरोप; म्हणाला, ‘भाषेमुळे माझ्या आई-वडिलांना…’
खळबळजनक! आणखी एका तरुण अभिनेत्रीची आत्म’हत्या, चाहते अन् कुटुंबाला बसलाय धक्का
