भारतीय सिनेमाच्या दिग्गज अभिनेत्री वहिदा रेहमान यांना यंदाच्या दादासाहेब फाळके जीवनगौरव पुरस्काराने सन्मानित करण्यात येणार आहे. केंद्रीय माहिती आणि प्रसारण मंत्री अनुराग ठाकूर यांनी ट्विट करून ही घोषणा केली. वहिदा रेहमान यांनी 1956 मध्ये राज खोसला यांच्या ‘सीआयडी’ चित्रपटातून बॉलिवूडमध्ये पदार्पण केले. त्यानंतर त्यांनी अनेक सुपरहिट चित्रपटांमध्ये काम केले.
त्यापैकी ‘गाईड’, ‘प्यासा’, ‘कागज के फूल’, ‘चौधवी का चाँद’, ‘साहेब बीवी और गुलाम’, ‘दिल अपना और प्रीत पराई’, ‘दिल देके देखो’, ‘दिलवाले दुल्हनिया ले जाएंगे’, ‘लगान’, ‘स्केटर गर्ल’ इत्यादी चित्रपटांचा समावेश आहे. वहिदा रेहमान (waheeda rehman) यांनी आपल्या अभिनयाने प्रेक्षकांच्या मनात विशेष स्थान निर्माण केले आहे. त्यांना अनेक पुरस्कारांनी गौरवण्यात आले आहे. त्यात राष्ट्रीय चित्रपट पुरस्कार, पद्मश्री आणि पद्मभूषण यांचा समावेश आहे.
वहिदा रेहमान यांच्यासाठी हा पुरस्कार हा त्यांच्या 60 वर्षांच्या कारकिर्दीतील एक मोठा सन्मान आहे. त्यांनी भारतीय सिनेमाला दिलेल्या योगदानाबद्दल त्यांना हा पुरस्कार देण्यात येत आहे. वहिदा रेहमान यांनी पुरस्कार जाहीर झाल्यानंतर प्रतिक्रिया देताना म्हटले की, “मला हा पुरस्कार मिळाल्याचा खूप आनंद झाला. हा पुरस्कार मला माझ्या कार्याबद्दल मिळत आहे. याचा मला अभिमान वाटतो. मी माझ्या चाहत्यांचे आणि सहकाऱ्यांचे आभार मानू इच्छिते. त्यांच्या पाठिंब्यामुळेच मी आज या ठिकाणी पोहोचू शकले आहे.”
मनसेचे अध्यक्ष राज ठाकरे यांनी देखील वहिदा रेहमान यांना पुरस्काराबद्दल अभिनंदन केले आहे. त्यांनी ट्विट करून म्हटले की, “वहिदा रहमान ह्यांना दादासाहेब फाळके पुरस्कार घोषित झाला, त्याबद्दल त्यांचं मनापासून अभिनंदन.1956ला राज खोसला ह्यांच्या ‘सीआयडी’ सिनेमातून करिअरला सुरुवात करत ते आजच्या तारखेपर्यंत सक्रिय असणाऱ्या वहिदाजी ह्या भारतीय सिनेमाचा जवळपास 60 वर्षांचा इतिहास आहे. तुम्ही जे निवडता, त्यावर तुमची श्रद्धा असेल आणि कामाप्रती निष्ठा असेल तर तुम्ही अगदी पहिल्या दिवसापासून तुमचे नियम लोकांना स्वीकारायला लावू शकता हे वहिदाजींनी दाखवून दिलं. हिल्याच सिनेमात त्यांनी एका सीनसाठी मी वेडेवाकडे कपडे घालून शॉट देणार नाही असं ठासून सांगितलं.
वहिदा रहमान ह्यांना दादासाहेब फाळके पुरस्कार घोषित झाला, त्याबद्दल त्यांचं मनापासून अभिनंदन. १९५६ ला राज खोसला ह्यांच्या ‘सीआयडी’ सिनेमातून करिअरला सुरुवात करत ते आजच्या तारखेपर्यंत सक्रिय असणाऱ्या वहिदाजी ह्या भारतीय सिनेमाचा जवळपास ६० वर्षांचा इतिहास आहे.
तुम्ही जे निवडता,… pic.twitter.com/h1VsAKqcUE— Raj Thackeray (@RajThackeray) September 27, 2023
पहिलाच सिनेमा आहे, डायरेक्टर जे सांगेल ते ऐकलं पाहिजे इत्यादी गोष्टींना बाजूला सारत, मी जर ह्या क्षेत्रांत टिकणार असेन तर माझ्या तत्वांशी मी तडजोड करणार हे नाही हे सांगणं सोपं नाही, पण ते वहिदाजींना जमलं. स्वतःचं मुस्लिम नाव आडनाव पण लपवण्याच्या भानगडीत त्या कधी पडल्या नाहीत आणि त्यांचं हिंदुस्थानीपण इतकं पक्क होतं की त्यांचा धर्म लोकांच्या मनाला शिवलं पण नाही. अशा व्यक्तीला हा सन्मान मिळणं ह्यासारखी आनंदाची गोष्ट नाही, अर्थात वहिदाजीच नाहीत तर कुठल्याही कलाकाराला हे पुरस्कार थोडे आधी मिळायला काहीच हरकत नाही. पण असो. वहिदाजींना महाराष्ट्र नवनिर्माण सेनेतफे मनःपूर्वक शुभेच्छा.”
आधिक वाचा-
–उर्फी जावेदचा ‘तो’ व्हिडिओ व्हायरल; युजर म्हणाले, ‘ती राज कुंद्राच्या प्रेमात पडली…’
–शहनाज गिलच्या साध्या, सोज्वळ लूकने चुकवला चाहत्यांच्या काळजाचा ठोका, फोटो व्हायरल
