चित्रपटसृष्टीमध्ये काही अशा अभिनेत्री आहेत ज्यांनी खूप कमी कालावधीत त्यांचे नाव कमावले आहे. त्यातील एक नाव म्हणजे दाक्षिणात्य चित्रपट सृष्टीतील अभिनेत्री रश्मिका मंदान्ना. नॅशनल क्रश म्हणून सर्वत्र प्रसिद्ध असणाऱ्या रश्मिका तरुण वर्गाला अगदी मोहिनी घातली आहे. तिच्या अदांनी आणि हावभावाने ती समोरच्याला पुरते खल्लास करते. तिचा कोणताही चित्रपट असो किंवा गाणे असो तिचे चाहते त्याला भरभरून प्रतिसाद देत असतात. अशातच मंगळवारी (५ एप्रिल) ती तिचा वाढदिवस साजरा करत आहे. यानिमित्त जाणून घेऊया तिच्याबाबत काही खास माहिती.
साऊथ अभिनेत्री
आज २६ वर्षांची झाली आहे. रश्मिका मंदान्नाने तिच्या कारकिर्दीत आतापर्यंत १४ चित्रपट केले आहेत, परंतु तिच्या पदार्पणाच्या ४-५ चित्रपटांनंतरच तिचे संपूर्ण भारतात चाहते झाले. रश्मिकाच्या क्यूटनेस आणि सौंदर्याचे लोकांना वेड लागले आहे. कर्नाटकमध्ये, रश्मिकाचे टोपणनाव राष्ट्रीय क्रश आहे, तर तिच्याकडे एक्सप्रेशन क्वीन ही पदवी देखील आहे.
रश्मिकाचा जन्म ५ एप्रिल १९९६ रोजी कर्नाटकातील विराजपेट येथे झाला. तिने मानसशास्त्रात पदव्युत्तर पदवी घेतली आहे. रश्मिकाचा जन्म एका मध्यमवर्गीय कुटुंबात झाला, तिचे वडील मदन मंदान्ना हे कारकून म्हणून काम करायचे. रश्मिकाने २०१६ मध्ये ‘किरिक पार्टी’ या कन्नड चित्रपटातून चित्रपटसृष्टीत पदार्पण केले. अवघ्या ४ कोटी रुपयांमध्ये बनलेल्या या चित्रपटाने ५० कोटींचे कलेक्शन केले आणि हा चित्रपट २०१६ मधील सर्वाधिक कमाई करणारा कन्नड चित्रपट ठरला.
कॉलेजमध्ये असताना, रश्मिकाने क्लीन अँड क्लियर फ्रेश फेस २०१४ स्पर्धा जिंकली आणि त्यानंतर तिने मॉडेलिंग असाइनमेंट घेण्यास सुरुवात केली. अवघ्या ७ वर्षांच्या फिल्मी करिअरमध्ये रश्मिकाने 14 सिनेमे केले, त्यापैकी बहुतांश हिट ठरले. रश्मिका २०२१ मध्ये आलेल्या ‘पुष्पा’ चित्रपटातील तिच्या दमदार व्यक्तिरेखेसाठी देखील ओळखली जाते. इंस्टाग्रामवर रश्मिकाचे ३ कोटी फॉलोअर्स आहेत.
बंगळुरू टाइम्सच्या २०१७ च्या ३० मोस्ट डिझायरेबल वुमनच्या यादीत रश्मिकाला पहिले स्थान मिळाले. रश्मिका ही अशा अभिनेत्रींपैकी एक आहे ज्यांच्या चित्रपटांनी अल्पावधीतच टॉलीवूडमध्ये १०० कोटी क्लबमध्ये प्रवेश केला आहे. रश्मिका मंदाना हा हॅशटॅग गुगल आणि ट्विटर दोन्हीवर कॉमन आहे. यामुळे गुगलने त्याला २०२० मध्ये राष्ट्रीय क्रश घोषित केले. आता गुगलवर नॅशनल क्रश सर्च केल्यावर रश्मिकाचा फोटो दिसतो. गुगलने सर्च इंजिनमध्ये रश्मिका नॅशनल क्रश असे नाव दिले आहे, त्यामुळे नॅशनल क्रश सर्च करताना फक्त रश्मिकाचा फोटो दिसतो.
‘पुष्पा’ या चित्रपटानंतर रश्मिकाने टॉलिवूडसह बॉलिवूडमध्येही आपले स्थान निर्माण केले आहे. आता ही अभिनेत्री दक्षिणेतील सर्वाधिक मानधन घेणाऱ्या अभिनेत्रींपैकी एक आहे. विशेष म्हणजे रश्मिका तिच्या एका चित्रपटासाठी ३ ते ४ कोटी रुपये घेते.
रश्मिकाला आतापर्यंत वेगवेगळ्या चित्रपटांतील भूमिकेसाठी ६ वेळा सर्वोत्कृष्ट अभिनेत्रीचा पुरस्कार मिळाला आहे. नेट वर्थबद्दल बोलताना, रश्मिकाचे कर्नाटक, मुंबई, हैदराबाद आणि गोवा येथे घर आहे, अभिनेत्रीकडे ४ वाहनांचे कलेक्शन देखील आहे ज्यात १ कोटी रुपयांपर्यंतच्या वाहनांचा समावेश आहे. रश्मिकाची एकूण संपत्ती ३५ कोटींच्या आसपास आहे.
वैयक्तिक आयुष्याबद्दल बोलायचे झाले तर रश्मिका कन्नड चित्रपट किरिक पार्टी दरम्यान अभिनेता रक्षित शेट्टीच्या जवळ आली होती. त्यानंतर ३ जुलै २०१७ रोजी दोघांनी एंगेजमेंट केले पण दोघांनी 2018 मध्ये आपसातील भांडणामुळे हे नाते संपुष्टात आणले. सध्या या अभिनेत्रीचे नाव अभिनेते विजय देवरकोंडासोबत जोडले जात आहे आणि अनेकदा त्यांच्या लग्नाच्या अफवा पसरल्या आहेत.
पुष्पा या चित्रपटानंतर रश्मिका अधिकच चर्चेत आली असून आता ती बॉलिवूडमध्येही पदार्पण करण्यासाठी सज्ज झाली आहे. रश्मिका मंदान्ना लवकरच सिद्धार्थ मल्होत्रासोबत ‘मिशन मजनू’ आणि अमिताभ बच्चनसोबत ‘गुड बाय’ या चित्रपटात दिसणार आहे. या चित्रपटाचे चित्रीकरण सुरू असून हा चित्रपटही याच वर्षी प्रदर्शित होण्याची शक्यता आहे. सध्या रश्मिका मोस्ट अवेटेड चित्रपट पुष्पा २ च्या शूटिंगमध्ये व्यस्त आहे. रणबीर कपूरसोबत ती अॅनिमल या चित्रपटातही दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
- ऐश्वर्या रायने अभिषेक बच्चनला दिला होता ‘हा’ सल्ला, ज्युनियर बच्चन आजही पाळतो पत्नीचा शब्द
- आर्थिक संकटाचा सामना करणाऱ्या श्रीलंकेला जॅकलीन फर्नांडिसने दिला पाठिंबा, म्हणाली, ‘निर्णयाची गरज नाही’
- ‘मिस्टर मम्मी’ चित्रपटाच्या प्रमोशनसाठी रितेश देशमुखने लढवली नामी शक्कल, पाहा व्हिडिओ
