‘अभिनेता म्हणून तू काय आहेस?’, समीर चौगुले यांनी लिहिली प्रसाद ओकसाठी ‘ती’ पोस्ट

आज अभिनेता प्रसाद ओक त्याचा वाढदिवस साजरा करत आहे. अभिनयासोबतच दिग्दर्शन, लेखन, गायन आदी अनेक कलांमध्ये पारंगत असलेल्या प्रसादने त्याच्या प्रतिभेच्या जोरावर यश मिळवले आहे. मालिका, नाटक, चित्रपट आदी सर्वच माध्यमांमध्ये त्याने त्याच्यात असलेली प्रतिभा लोकांसमोर आणली आहे. आज प्रसाद ओक हे मराठी सिनेसृष्टीतील मोठे नाव बनले आहे. राष्ट्रीय पुरस्कारवर नाव कोरणाऱ्या प्रसादला आजच्या दिवशी जगाच्या कानाकोपऱ्यातून वाढदिवसाच्या शुभेच्छा मिळत आहे. सध्या प्रसाद महाराष्ट्राची हास्यजत्रा या शोचे परीक्षण करत आहे. याच शोमध्ये दिसणाऱ्या समीर चौगुले यांनी देखील प्रसादला शुभेच्छा देताना सोशल मीडियावर एक सुंदर पोस्ट शेअर केली आहे.

 

View this post on Instagram

 

A post shared by Samir Choughule (@samirchoughule)

समीर चौगुले यांनी त्यांच्या पोस्टमध्ये प्रसादच्या गुणांचे कौतुक करत त्यांना त्याचा अभिमान असल्याचे सांगितले आहे, समीर यांनी त्यांच्या पोस्टमध्ये लिहिले, ““Prasad Oak happy birthday… मित्रा पश्या… खूप खूप प्रेम…अतिशय अफलातून अभिनेता… आमच्या हास्यजत्रेत तो हास्यरसिक म्हणून जे काही बोलतो ते स्क्रिप्टेड वाटावं इतकं उत्स्फूर्त असतं… कमालीचा शब्दसंचय, अफाट वाचन, आणि अत्यंत टोकाची समयसूचकता असल्याशिवाय हे शक्य नाही… अभिनेता म्हणून तू काय आहेस? कोण आहेस? हे तू नुकतंच ‘धर्मवीर’ चित्रपटातून अख्या जगाला दाखवून दिलंयस..बहुतेक पुरुषोत्तम, INT आणि सवाई सोडल्यास उत्कृष्ठ अभिनेता या कॅटेगरीतली सगळी पारितोषिक तू गेल्या वर्षी जिंकलीस… ‘चंद्रमुखी’साठी दिग्दर्शक म्हणून तू घेतलेली मेहनत रसिकांनी ही डोक्यावर घेतली… मित्रा तू माझा “जवळचा मित्र” आहेस याचा खूप अभिमान वाटतो… तुझ्या सर्व इच्छा पूर्ण होवोत ही बाप्पा चरणी प्रार्थना… लव्ह यू मित्रा…”

समीर चौगुले यांच्या या पोस्टवर प्रसाद ओकने कमेंट करत “थँक यू डार्लिंग” लिहिले आहे तर प्रसादची बायको असणाऱ्या मंजिरी ओकने हार्ट ईमोजी पोस्ट केल्या आहे. तत्पूर्वी चालू वर्षात प्रसाद ओक अनेक उत्तम चित्रपटांची मेजवानी प्रेक्षकांसाठी घेऊन येणार आहे. अनेक चांगल्या चित्रपटांच्या घोषणा त्याने केल्या असून, अजून काही चर्चेत असलेले सिनेमे देखील आहे.

दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
आदिल तुरुंगात जाताच राखी अन् शर्लिनची पुन्हा झाली मैत्री, पाहा व्हायरल व्हिडिओ
भांड फुटलं रे! स्वरा भास्करने केले समाजवादी पक्षाच्या ‘फहाद अहमद’साेबत लग्न, पाहा व्हिडिओ

Team Bombabomb

See Full Bio