मराठमोळी अभिनेत्री अमृता खानविलकर हिंदी आणि मराठी अशा दोन्ही चित्रपटसृष्टीमध्ये प्रसिद्ध नाव बनली आहे. आपल्या अभिनयाने सर्वांना प्रभावित करणारी अभिनेत्री तिच्या फिटनेस आणि फॅशन स्टेटमेंटसाठी बरीच चर्चेत असते. आता अभिनेत्री तिच्या सुंदरतेसाठी पुन्हा एकदा चर्चेत आली आहे. तिने शेअर केलेले काही फोटो सध्या सोशल मीडियावर धुमाकूळ घालत आहे.
अमृताने तिच्या अधिकृत इंस्टाग्राम अकाऊंटकरून काही फोटो पोस्ट केले आहेत, ज्यात अभिनेत्री खूपच सुंदर दिसत आहे. या फोटोमध्ये तिने निळ्या रंगाचा अतिशय सुंदर असा शॉर्ट ड्रेस परिधान केला आहे. तुम्ही पाहू शकता की, यात तिने न्यूड मेकअप करून केस मोकळे सोडले आहेत. अगदी कमीत कमी मेकअप असूनही अमृता यात खूपच सुंदर दिसत आहे. हा हॉट लूक करून अभिनेत्री स्टाईलमध्ये पोझ देताना दिसत आहे. (see amruta khanvilkar’s blue beauty photos)
या फोटोमधील अमृताच्या अदा अगदी पाहण्यासारख्या आहेत. अभिनेत्रीचे हे फोटो नेटकऱ्यांच्या पसंतीस उतरले आहेत. म्हणूनच बघता बघता फोटोवर लाईक्स अन् कमेंट्सचा पाऊस पडलेला पाहायला मिळतोय. आतापर्यंत या फोटोवर ५१ हजाराहून अधिक युजर्सने लाईक केले आहे.
अमृताच्या वर्क फ्रंटबद्दल बोलायचे झाले, तर ती येत्या काळात सचिन कुंडलकरच्या ‘पांडिचेरी’ या आगामी चित्रपटात दिसणार आहे. यात तिच्यासोबत वैभव तत्ववादी, महेश मांजरेकर आणि सई ताम्हणकर हे कलाकार देखील मुख्य भूमिकेत पाहायला मिळतील. तसेच अभिनेत्रीने ‘राझी’ आणि ‘सत्यमेव जयते’ या हिंदी चित्रपटांतून बॉलिवूडमध्येही खास ओळख निर्माण केली आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
