बॉलिवूड अभिनेता सिद्धार्थ मल्होत्रा आणि दिग्दर्शक रोहित शेट्टी यांची बहुप्रतिक्षित सीरिज ‘इंडियन पोलीस फोर्स’चा टीझर (Indian Police Force Teaser) शनिवारी, 16 डिसेंबर रोजी प्रदर्शित झाला आहे. या टीझरमध्ये सिद्धार्थ मल्होत्रा पोलिसाच्या भूमिकेत दिसत आहेत. त्यांचा ऍक्शन अवतार पाहून प्रेक्षकांची उत्सुकता आणखी वाढली आहे.
टीझरमध्ये सिद्धार्थ मल्होत्रा (Siddharth Malhotra)एका शहरात झालेल्या बाँबस्फोटानंतर दहशतवाद्यांना पकडण्यासाठी धडपडताना दिसत आहेत. त्यांचा हा ऍक्शन अवतार प्रेक्षकांना खूप आवडला आहे. टीझरमध्ये शिल्पा शेट्टी आणि विवेक ओबेरॉय देखील पोलिसांच्या भूमिकेत दिसत आहेत. प्रसिद्ध OTT प्लॅटफॉर्म Amazon Prime Video ने आपल्या अधिकृत YouTube चॅनलवर या आगामी मालिकेचा टीझर लॉन्च केला आहे. ‘भारतीय पोलीस दल’ या ताज्या टीझरमध्ये पोलीस दल आणि गुन्हेगारी जगतातील गुन्हेगार यांच्यात जोरदार चकमक पाहायला मिळत आहे.
‘इंडियन पोलीस फोर्स’ ही एक सात भागांची सीरिज आहे. या सीरिजचे दिग्दर्शन रोहित शेट्टी करत आहेत. या सीरिजमध्ये सिद्धार्थ मल्होत्रासोबत शिल्पा शेट्टी, विवेक ओबेरॉय, श्वेता तिवारी, निकितिन धीर, ऋतुराज सिंह आणि ललित परिमू यांच्या प्रमुख भूमिका आहेत. या मालिकेच्या शूटिंगदरम्यान रोहित शेट्टी एकदा जखमी झाला होता. ‘इंडियन पोलीस फोर्स’ ही सिद्धार्थ मल्होत्रा यांची पहिली ओटीटी सीरिज आहे. ही सीरिज 19 जानेवारी 2024 रोजी भारतासह जगभरातील 240 पेक्षा अधिक देशांमध्ये प्राइम व्हिडिओवर रिलीज होणार आहे.
टीझरमध्ये सीरिजबद्दल फार काही सांगितले गेले नाही. मात्र, सीरिजमध्ये देशाच्या सुरक्षेसाठी लढणाऱ्या पोलिसांच्या कथा सांगण्यात येणार असल्याचे संकेत देण्यात आले आहेत. सीरिजमध्ये रोहित शेट्टीची खास ऍक्शन स्टाईल पाहायला मिळणार असल्याचेही सांगण्यात आले आहे. (Siddharth Malhotra Indian Police Force Action Teaser Out)
आधिक वाचा-
–राडाच ना भाऊ! ‘अ‍ॅनिमल’फेम तृप्ती डिमरीचे लेटेस्ट फोटो व्हायरल; एकदा पाहाच
–विराट आणि अनुष्काची गुड न्यूज! अभिनेत्री 7 महिन्यांची गरोदर? अखेर सत्य आले समोर
