अभिनेत्री कियारा अडवाणी (Kiara Adwani) आज तिचा ३३ वा वाढदिवस साजरा करत आहे. चाहत्यांपासून ते स्टार्सपर्यंत सोशल मीडियाच्या माध्यमातून तिचे अभिनंदन होत आहे. दरम्यान, कियाराचा पती अभिनेता सिद्धार्थ मल्होत्रा यानेही तिला खास शुभेच्छा देऊन तिच्यावर प्रेमाचा वर्षाव केला आहे.
सिद्धार्थने बुधवारी (३१ जुलै) त्याच्या अधिकृत इंस्टाग्राम अकाऊंटवर कियाराचा एक मोहक फोटो शेअर केला. शिवाय, त्याने एक सुंदर कॅप्शन देखील लिहिले आहे. सिद्धार्थने लिहिले, “वाढदिवसाच्या शुभेच्छा. खूप प्रेम, हा फोटो सर्व काही सांगतो सांगतो. तू मला माहित असलेली सर्वात दयाळू व्यक्ती आहेस. तुझ्यासोबत अनेक आठवणी आहेत.” या फोटोमध्ये कियारा पांढऱ्या रंगाच्या ड्रेसमध्ये दिसत आहे. फोटोमध्ये अनेक फुगे आणि त्यांच्याभोवती ‘We love you’ असे लिहिलेले दिसत आहे. कियारा गोड हसत पोज देताना दिसत आहे.
आता या पोस्टवर लोकांच्या प्रतिक्रिया येऊ लागल्या आहेत. एका यूजरने लिहिले की, “सर्वात भाग्यवान महिला.” आणखी एका युजरने लिहिले की, “कियाराला तिच्या आयुष्यात तुझ्यासारखा लाइफ पार्टनर आहे याचा मला आनंद आहे.” याशिवाय अनेक यूजर्स कमेंट बॉक्समध्ये त्यांना वाढदिवसाच्या शुभेच्छा देऊन त्यांच्या भावना व्यक्त करत आहेत.
वर्क फ्रंटबद्दल बोलायचे झाले तर कियारा लवकरच साऊथ चित्रपट गेम चेंजरमध्ये दिसणार आहे. या चित्रपटाचे दिग्दर्शन शंकर यांनी केले आहे. राम चरण अभिनीत या चित्रपटात कियारा महत्त्वाच्या भूमिकेत दिसणार आहे. तिच्या वाढदिवशी निर्मात्यांनी अभिनेत्रीशी संबंधित एक पोस्टर देखील शेअर केले आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
तब्बल २३ वर्षांनी महेश बाबूचा चित्रपट होणार प्रदर्शित, ‘मुरारी’ साठी चाहते झालेत उत्सुक
आमिरने साजरं केलं मुलाचं यश ! ‘महाराज’च्या सक्सेस पार्टीचे फोटोज व्हायरल
