Sunday, May 19, 2024

आता दिवाळीत ऐकू येणार सिंघमची गर्जना, अजय देवगणच्या ‘सिंघम अगेन’ची रिलीज डेट जाहीर

रोहित शेट्टीच्या बहुप्रतिक्षित चित्रपटाची रिलीज डेट पुढे ढकलण्यात आली आहे. हा चित्रपट यावर्षी १५ ऑगस्टला थिएटरमध्ये दाखल होणार होता. शूटिंग पूर्ण न झाल्यामुळे चित्रपटाची रिलीज डेट पुढे ढकलण्यात आल्याचे बोलले जात आहे. त्याचवेळी, मीडिया रिपोर्ट्सवर विश्वास ठेवला तर, हा चित्रपट यावर्षी दिवाळीला प्रदर्शित होऊ शकतो.

‘सिंघम अगेन’ची रिलीज डेट बदलल्यानंतर लोकांनी विविध प्रकारचे अंदाज बांधण्यास सुरुवात केली आहे. काही लोकांचे म्हणणे आहे की, रोहित शेट्टी अल्लू अर्जुन आणि रश्मिका मंदान्ना यांच्या पुष्पा 2 चित्रपटाला सामोरे जाण्याचे टाळत आहे.

माध्यमातील वृत्तानुसार रोहित शेट्टी आणि अजय देवगण दिवसरात्र चित्रपटाचे शूटिंग करत होते. 15 ऑगस्टपर्यंत चित्रपट प्रदर्शित करण्याचे त्यांचे लक्ष्य होते. ‘सिंघम अगेन’च्या काही गुंतागुंतीच्या मागण्यांमुळे शूटिंगला बराच वेळ लागत असल्याचं बोललं जात आहे. मात्र, रोहित शेट्टी आणि अजय देवगणने आपला वेग कायम ठेवला आहे. नियोजित तारखेला चित्रपट प्रदर्शित करण्यावर तो फारसा जोर देत नाहीये.

मीडिया रिपोर्ट्सनुसार, जिओने रोहित शेट्टीला हा चित्रपट दिवाळीला रिलीज करावा असे सुचवले आहे. अजय देवगण आणि रोहितही या तारखेचा विचार करत आहेत. दिवाळीची तारीख लक्षात घेऊन व्हीएफएक्स आणि इतर कामांसाठी शेवटची तारीख निश्चित केली जात आहे.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

धनुष आणि ऐश्वर्याच्या घटस्फोटानंतर कोणाला मिळणार मुलांची कस्टडी, मोठी बातमी आली समोर
‘मी इतर मुलींसारखी नाही ज्या…’, नोरा फतेहीने उघड केले फिल्म इंडस्ट्रीचे रहस्य

हे देखील वाचा