गणेशोत्सवाच्या निमित्ताने मुख्यमंत्री एकनाथ शिंदेंच्या वर्षा बंगल्यावर मराठी कलाकारांनी भेट दिली. धर्मवीर सिनेमाचे निर्माते आणि अभिनेते मंगेश देसाई यांच्या पुढाकाराने ही भेट घडली. यावेळी विशाखा सुभेदार, अमृता खानविलकर, स्पृहा जोशी, नम्रता संभेराव, जयवंत वाडकर, श्रृती मराठे, गौरव घाटणेकर, दीपाली सय्यद, ओंकार भोजने, सुकन्या मोने, रसिका वेंगुर्लेकर, सचिने गोस्वामी आदी अनेक कलाकार उपस्थित होते.
मुख्यमंत्री शिंदेंनी कलाकारांना गणपती बाप्पाच्या दर्शनासाठी आमंत्रित केले होते. कलाकारांनी मुख्यमंत्री आणि त्यांच्या कुटुंबासोबत गप्पा मारल्या आणि गणपती बाप्पाच्या दर्शनाचा आनंद घेतला. सुकन्या मोने (Sukanya Mone) यांनी सोशल मीडियावर या भेटीबद्दल पोस्ट लिहिलीआहे. जी सध्या चर्चेत आली आहे. या भेटीत कलाकार आणि मुख्यमंत्री शिंदें यांच्यात एक सकारात्मक ऊर्जा निर्माण झाली. या भेटीतून कलाकार आणि सरकार यांच्यात एक चांगले नाते निर्माण झाले.
त्यांनी पोस्ट करताना लिहिले की, “मा.मुख्यमंत्री श्री.एकनाथराव शिंदे, यावर्षी आपल्या श्री गणपती दर्शनाला मला आवर्जून निमंत्रित केल्याबद्दल मनःपूर्वक धन्यवाद! आपण आणि आपल्या कुटुंबाने आम्हा सगळ्या कलाकार मंडळींकडे जातीने लक्ष दिलेत त्याबद्दल आभार. आपल्या सौ. नी त्या माझ्या पूर्वीपासून fan आहेत हे सांगून मला सुखावले. पुन्हा एकदा मनःपूर्वक आभार! गणपती बाप्पा मोरया! मंगलमूर्ती मोरया!”
View this post on Instagram
या भेटीत कलाकारांनी मुख्यमंत्री शिंदेंना गणेशोत्सवाच्या शुभेच्छा दिल्या आणि त्यांच्या कार्याला शुभेच्छा दिल्या. मुख्यमंत्री शिंदेंनीही कलाकारांना गणेशोत्सवाच्या शुभेच्छा दिल्या आणि कलाकारांच्या विकासासाठी सरकारकडून सर्वतोपरी मदत केली जाईल असे आश्वासन दिले. या भेटीत कलाकार आणि मुख्यमंत्री शिंदें यांच्यात गप्पांचा फड रंगला. कलाकारांनी मुख्यमंत्री शिंदेंना त्यांच्या कामाबद्दल आणि त्यांच्या आदर्शांबद्दल विचारले. मुख्यमंत्री शिंदेंनीही कलाकारांना त्यांच्या करिअरबद्दल आणि त्यांच्या आव्हानांबद्दल विचारले. (Sukanya Mone post after visiting Chief Minister Eknath Shinde Varsha bungalow on the occasion of Ganeshotsav)
आधिक वाचा-
–महिला आरक्षण विधेयकावर महेश भट्ट यांची प्रतिक्रिया; म्हणाले, ‘महिलांचा आदर करू शकत नाही तो..’
–लता दीदींच्या वाढदिवशी रिलीझ झाले त्यांचे गाणे; तब्बल 22 वर्षांपूर्वी केले होते रेकॉर्ड
