सनी लिओनी एक अशी अभिनेत्री आहे की, जिचा बॉलिवूडमध्ये कोणाशीही मतभेद झाल्याची बातम्या कधीही समोर आल्या नाही. बऱ्याच वेळा सनी हसून आपल्या गोड बोलण्याने पुढच्या व्यक्तीची बोलती बंद करते. ‘बिग बॉस ओटीटी’च्या संडे का वारमध्ये स्टेजवर सनी लिओनीने आपल्या उपस्थितीने चार चांद लावले. सनीने येथे येऊन स्प्लिट्सविलाच्या माजी स्पर्धक दिव्या अग्रवालला प्रोत्साहन दिले आणि त्याचवेळी तिने करण जोहरची बोलती देखील बंद केली.
दिव्या अग्रवालला दिला पाठिंबा
दिव्या अग्रवालने बिग बॉसच्या घरात प्रवेश केल्यापासून करणने सतत तिला कोणत्या न कोणत्या कारणासाठी निशाण्यावर ठेवले आहे. अलीकडेच, जेव्हा बिग बॉसच्या घरात एक कनेक्शन टास्क होता, ज्यात सर्व मुलांना त्यांच्या कनेक्शनचे लाड पुरवत विशेष फील करावयाचे होते. तेव्हा दिव्या अग्रवाल घरात एकटी दिसली होती. दिव्या अग्रवालला घरी स्वतःला आनंदी ठेवण्याचे मार्ग शोधायला लागली आणि ती गार्डनमध्ये एकटी डान्स करताना दिसली. दिव्याला घरात एकटी पाहून तिचे चाहतेही निराश झाले. पण सनी लिओनीने जेव्हा दिव्याचे सोशल मीडियावर कौतुक केले, तेव्हा दिव्याच्या चाहत्यांनी तिचे आभार मानले.
दिव्या अग्रवालला दिले प्रोत्साहन
रविवारी ‘बिग बॉस’च्या सेटवर करण जोहरची सनीने खूप टिंगल केली. पण त्याचवेळी सनीने निराश झालेल्या दिव्याला देखील प्रोत्साहित केले. सनीने घराच्या आत जाऊन सर्वांसमोर दिव्याचे कौतुक केले. सनी दिव्याला म्हणाली, “मला तुझा अभिमान आहे आणि तिच्या कुटुंबातील सदस्यांनाही तिचा खूप अभिमान वाटतो.” सनीने दिव्याला असेही सांगितले की, सनीचे कुटुंबीयही ‘बिग बॉस’ पाहत आहेत आणि त्यांना दिव्याचा खेळ खूप आवडत आहे.
स्प्लिट्सविलाबद्दल मिळतात टोमणे
‘बिग बॉस ओटीटी’मध्ये दिव्या अग्रवाल बोलता बोलता म्हणाली की, ती दोन रियॅलिटी शोची विजेती ठरली आहे. कुटुंबातील सदस्यांनी या प्रकरणाबद्दल तिच्यावर अनेक कमेंट्स केल्या आणि अनेक वेळा तिला यासाठी टोमणेही ऐकावे लागले. दिव्याला रियॅलिटी शोची विजेती असल्याचा उल्लेख केल्याबद्दल होस्ट करणकडूनही खूप टोमणे मिळाले आहेत. पण जेव्हा सनी शोमध्ये पोहोचली, तेव्हा खुद्द करण जोहर तिच्याशी याबद्दल बोलताना दिसला.
करण जोहरची केली बोलती बंद
सनीने करणची टिंगल करत त्याला विचारले, “तू आमचा शो कॉपी केला आहेस का?” एवढेच नाही तर, सनी दिव्याला स्प्लिट्सविलासाठी टोमणा मारणाऱ्या कुटुंबातील सदस्यांना सांगत होती की, ती स्प्लिट्सविलाची आहे. त्यानंतर कुटुंबातील सर्व सदस्यांना तिचे बोलणे हसत ऐकावे लागले. करणसमोर दिव्याची स्तुती करताना सनी म्हणाली, “कुटुंबातील सर्व सदस्यांमध्ये तिला दिव्याचा खेळ सर्वात जास्त आवडतो.”
बिग बॉस आहे कनेक्शनचा खेळ
अलीकडेच करण जोहर दिव्याला सांगताना दिसला की, ‘बिग बॉस ओटीटी’ स्प्लिट्सविलापासून पूर्णपणे वेगळा आहे. त्यानंतर सनीने करणला उत्तर देताना म्हटले की, “बिग बॉस ओटीटी हा देखील स्प्लिट्सविला सारखा कनेक्शनचा खेळ आहे.” सनी लिओनीने दिव्या अग्रवालला दिलेल्या पाठिंब्यामुळे दिव्याचे चाहतेही सनीची जोरदार स्तुती करत आहेत आणि तिचे आभारही मानत आहेत.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-अभिनयात येण्यापूर्वी ‘हे’ काम करायची श्रुती हासन; म्हणाली, ‘कोणालाही माहित नव्हते की…’
-Bigg Boss OTT: लाजून लाल झाली शमिता, जेव्हा करणने ‘हॉटनेस’वर प्रश्न विचारताच राकेश म्हणाला…
-‘टायगर ३’साठी कॅटरिना कैफ रशियाला रवाना; स्टंट सीन शूट करण्यासाठी घेतीये प्रचंड मेहनत
