टीव्हीवरील प्रेक्षकांच्या आवडत्या शोमध्ये ‘इंडियन आयडल’ या शोची गणना होते. या शोचा सध्या १२वा हंगाम सुरू आहे. दर आठवड्याला शोचे निर्माते आपल्या प्रेक्षकांचे मनोरंजन करण्यासाठी काही ना काही हटके गोष्टी करत असतात. मात्र, काही वेळा शोला वादांचाही सामना करावा लागला आहे. असे असले तरीही, शोमध्ये दर आठवड्याला कोणते ना कोणते कलाकार पाहुणे म्हणून येत असतात. या आठवड्याच्या एपिसोडमध्ये प्रसिद्ध जोडपे शत्रुघ्न सिन्हा आणि त्यांची पत्नी पूनम सिन्हा येणार आहेत. यादरम्यान देशाच्या कानाकोपऱ्यातून आलेले स्पर्धक शत्रुघ्न यांच्या चित्रपटांंतील गाणी गाऊन प्रेक्षकांना मंत्रमुग्ध करणार आहेत. तसेच अभिनेतेही आपल्या वैयक्तिक आणि व्यावसायिक गोष्टी शेअर करणार आहेत. मात्र, यादरम्यान स्पर्धक पवनदीप राजन आपले प्रेम व्यक्त करणार आहे. (TV Show Indian Idol 12 Contestant Pawandeep Rajan Opens Up About His Love Watch Arunita Kanjilal Reaction)
‘इंडियन आयडल १२’ शोमधील आगामी एपिसोडमधील एक व्हिडिओ अरुणिताच्या फॅन क्लबवर शेअर करण्यात आला आहे. या व्हिडिओत तुम्ही पाहू शकता की, सर्वप्रथम शत्रुघ्न सिन्हा आपल्या पत्नीसमवेत शोमध्ये एन्ट्री घेतात. यानंतर अरुणिता आपल्या गाण्यांनी सर्वांचे मन जिंकून घेते. प्रत्येक जण तिच्या आवाज आणि गायनाची प्रशंसा करताना अजिबात दमत नाही.
दुसरीकडे शोचे परीक्षक अनु मलिक अरुणिताला म्हणतात की, “तुम्ही भजी बनवणार आणि हिमेश जी खातील.” यानंतर सेटवर किचन सजवण्यात येतो आणि अरुणिता भजी बनवू लागते. त्यानंतर ती हिमेश रेशमिया, अनु आणि सोनू कक्करलाही खाऊ घालते.
पवनदीपने व्यक्त केले प्रेम
या व्हिडिओत दिसते की, शोचा होस्ट आणि गायक आदित्य नारायण स्पर्धक पवनदीपला आपल्या हातांनी भजी चारतो. सोबतच तो पुढे म्हणतो की, “ज्याप्रकारे मी पवनदीपला आपल्या हातांनी चारत आहे, अरुणिता प्रार्थना करा की, अशीच एखादी सुंदर मुलगी त्याला आपल्या हातांनी भरवेल.” यावर पवनदीप म्हणतो की, “पावसाचा हंगाम जेव्हाही येतो, काहीतरी नवीन घेऊ येतो. मला वाटते मी प्रेमात आहे.”
पवनदीपच्या वक्तव्यानंतर अरुणिता आणि उपस्थित सर्वांसोबतच परीक्षकही आश्चर्यचकित होतात. त्यांनी दिलेली ही रिऍक्शन अगदी पाहण्यासारखी होती.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-भोजपुरी अभिनेत्रीने नवीन गाण्यातून सांगितली बॉयफ्रेंड बदलण्याची नवीन पद्धत; व्हिडिओला १४ लाख हिट्स
-अरे व्वा! ‘या’ प्रसिद्ध अभिनेत्याने रचलाय नवीन विक्रम; आठव्यांदा साकारणार ‘महादेवा’ची भूमिका
