हिंदी चित्रपटसृष्टीतील ज्येष्ठ अभिनेते दिलीप कुमार यांचे ७ जुलै, २०२१ रोजी निधन झाले होते. दिलीप कुमार यांच्या निधनानंतर त्यांची पत्नी सायरा बानो या एकट्या पडल्या आहेत. त्यांची ही प्रकृती अधून मधून बिघडत असते. दिलीप कुमार आणि सायरा बानो यांचे एकमेकांवर असलेले प्रेम हे सर्वांनाच माहिती आहे. दिलीप कुमार यांच्या निधनानंतरची बातमी असो किंवा सायरा बानो यांच्या प्रकृतीविषयी अद्यतने देणे असो, फक्त फैसल फारुकी नावाची व्यक्ती सर्व प्रकारची माहिती देत आहे. दिलीप कुमार आणि सायरा यांच्या कुटुंबाच्या जवळचा असलेल्या फैसलला अनेक वेळा प्रवक्ते म्हणून पाहिले गेले. आता फैसलने दिवंगत अभिनेते दिलीप कुमार यांच्याबद्दल आणखी एक मोठी बातमी दिली आहे. दिलीप कुमार यांचे निधन होऊन बराच काळ झाला. मात्र, आतापर्यंत त्यांचे ट्विटर अकाऊंट चालू होते, पण आता ते कायमचे बंद झाले आहे.
फैसल फारूकी यांनी ट्वीट करून दिलीप कुमार यांचे ट्विटर खाते बंद झाल्याची माहिती दिली आहे. दिलीप कुमार यांच्या ट्विटरवर त्यांचा एक फोटो शेअर करून त्याने याबद्दल सांगितले आहे. फैसल यांनी लिहिले आहे की, “बरीच चर्चा आणि चर्चेनंतर सायरा बानो जी यांच्या सहमतीने मी दिलीप कुमार साहब यांचे ट्विटर खाते बंद करण्याचा निर्णय घेतला आहे. तुमच्या सततच्या प्रेमासाठी आणि पाठिंब्यासाठी धन्यवाद- फैसल फारुकी.” अशाप्रकारे, दिलीप कुमार यांच्या खात्यावरून हे त्यांचे शेवटचे ट्वीट आहे. त्यानंतर हे ट्वीट त्याच्या स्वतःच्या ट्विटर अकाऊंटवर शेअर केले.
https://twitter.com/TheDilipKumar/status/1438094787396071426
सायरा बानो दिलीप कुमार यांच्या निधनानंतर त्या एकट्या झाल्या आहेत. अलीकडेच त्या देखील आजारी होत्या आणि त्यांना रुग्णालयात दाखल करण्यात आले. फैसल सातत्याने सायरा बानो यांच्या प्रकृतीविषयी माहिती प्रसारमाध्यमांना देत होता.
जेव्हा दिलीप कुमार जिवंत होते आणि बराच काळ आजारी होते, त्यावेळी माध्यमांना दिलेल्या मुलाखतीत सायरा बानो म्हणाल्या होत्या की, “मी कोणत्याही दबावाखाली दिलीप साहेबांची सेवा करत नाही, ही प्रेमापलीकडची भावना आहे. मी हे यासाठी करत नाही की, लोक एक चांगली आणि समर्पित पत्नी असल्याबद्दल माझी स्तुती करतात, मी फक्त हे यासाठी करते जेणेकरून मी कायम त्यांच्यासोबत असू शकेन. त्यांना मिठी मारणे, त्यांना स्पर्श करणे ही माझ्यासाठी जगातील सर्वोत्तम भावना आहे. ते माझ्या श्वासात राहतात.”
सायरा बानो आणि दिलीप कुमार यांनी अनेक चित्रपटांमध्ये एकत्र काम केले आहे. त्यात ‘गोपी’, ‘सगीना’, ‘बैराग’, ‘दुनिया’, ‘ज्वार भाटा’ यांसारख्या चित्रपटांचा समावेश आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘एकेकाळी टॅक्सीमध्ये बसणे अभिमानाची गोष्ट होती’, अनिल कपूर यांनी ‘त्या’ दिवसांची काढली आठवण
-तब्बल ३० वर्षानंतर अजय देवगणने रिक्रिएट केला त्याचा ‘सिग्नेचर स्टंट’; ट्रकवर केली जबरदस्त ऍक्शन
