बॉलिवूड अभिनेत्री अनुष्का शर्माचा पती आणि भारतीय क्रिकेट टेस्ट संघाचा कर्णधार विराट कोहलीने त्याच्या या पदाचा राजीनामा दिला आहे. त्याच्या या निर्णयाने सगळेच हैराण झाले आहेत. अनेक पूर्व कर्णधार त्याला शुभेच्छा देत आहेत. अशातच त्याची पत्नी अनुष्का शर्माने देखील सोशल मीडियावर एक भलीमोठी पोस्ट शेअर केली आहे. यातून तिने त्याच्या कामाचे कौतुक केले आहे. या पोस्टमधून ती काही प्रमाणात भावुक झालेली दिसत आहे.
अनुष्काने (anushka sharma) सोशल मीडियावर विराट कोहलीचा आणि तिचा फोटो शेअर केला आहे. हे फोटो शेअर करून तिने लिहिले आहे की, “मला २०१४ मधील तो दिवस आठवतो, जेव्हा तू मला म्हणाला होता की एमएस (धोनी) कसोटी क्रिकेटमधून निवृत्त झाला आहे आणि तुला कर्णधार बनवण्यात आले आहे. मला आठवतंय त्या दिवशी एमएस, तू आणि मी बोलत होतो आणि तो (धोनी) गमतीने म्हणाला होता की, लवकरच तुझी दाढी पांढरी व्हायला लागेल. यावर आपण सगळे खूप हसलो. भारतीय क्रिकेट संघाचा कर्णधार म्हणून तुझा विकास आणि तुझ्या नेतृत्वाखालील संघाच्या कामगिरीचा मला अभिमान आहे. तू केलेल्या प्रगतीचे मला कौतुक वाटते.
पुढे अनुष्का म्हणते की, “२०१४ मध्ये आपण तरुण होतो, निष्पाप होतो. चांगले हेतू, सकारात्मक दृष्टीकोन आणि हेतूनेच जीवनात पुढे जाता येते, असे त्यांना वाटायचे. हे सर्व आवश्यक आहेत, परंतु आव्हानांशिवाय नाही. तू अशा अनेक आव्हानांचा सामना केला आहे, जे नेहमीच मैदानात आले. मात्र, हेच जीवन आहे, नाही का? तू स्वतः उदाहरण देऊन नेतृत्व केले आणि जिंकण्यासाठी तुझी सर्व शक्ती पणाला लावली. अनेकवेळा माझा पराभव झाला तेव्हा तुझ्यासोबत बसताना मला तुझ्या डोळ्यात अश्रू दिसले.”
अनुष्काने पुढे लिहिले की, “तू परिपूर्ण नाहीस आणि तुझ्यातही दोष आहेत, पण मग त्या लपवण्याचा प्रयत्न कधी केलास? तू नेहमीच योग्य आणि कठीण गोष्टींसाठी उभे राहिलात. तुला कधीही कशाचाही हव्यास नव्हता. अगदी या पदासाठीही (कर्णधारपद) नाही आणि मला ते माहीत आहे. कारण, जेव्हा कोणी एखाद्या गोष्टीला धरून ठेवण्याचा प्रयत्न करतो तेव्हा तो स्वतःला मर्यादित करतो आणि तू अमर्याद आहेस.”
तिची ही पोस्ट चांगलीच चर्चेत आली आहे. अनेकजण या पोस्टवर त्यांच्या प्रतिक्रिया देत आहेत. तिने या पोस्टमध्ये विराटचे एक वडील म्हणून देखील कौतुक केले आहे. अनुष्का ही बॉलिवूडमधील एक प्रसिद्ध अभिनेत्री आहे. तिच्या वैयक्तिक आयुष्यामुळे देखील ती खूप चर्चेत असते. मागील वर्षी विराट आणि अनुष्काने एका मुलीला जन्म दिला आहे. तिचे नाव त्यांनी वामिका असे ठेवले आहे.
हेही वाचा :
