अभिनेत्री नितू कपूर (Neetu singh) त्यांच्या आगामी ‘जुग जुग जियो’ या चित्रपटामुळे सध्या चांगल्याच चर्चेत येत आहेत. बऱ्याच काळानंतर त्या पुन्हा एकदा छोट्या पडद्यावर झळकणार असल्याने त्यांच्या चाहत्यांना या चित्रपटाची जोरदार उत्सुकता लागली आहे. सध्या त्यांचा एक व्हिडिओ सोशल मीडियावर जोरदार व्हायरल होत आहे ज्यामध्ये त्या मुलगी रिधिमा मल्होत्रासोबत डान्स करताना दिसत आहेत. त्याचप्रमाणे अतरंगी उर्फीच्या बिंधास्त आणि बोल्ड विधानाने सध्या चांगलीच चर्चा रंगली आहे ज्याचा व्हिडिओ सोशल मीडियावर जोरदार व्हायरल होत आहे. दुसरीकडे दाक्षिणात्य सुपरस्टार राम चरणच्या (Ram Charan) लग्नाला १० वर्ष पुर्ण होत आहेत. याचनिमित्ताने त्याचा एक जुना व्हिडिओ सोशल मीडियावर चांगलाच व्हायरल होत आहे. पाहूया मनोरंजन जगतातील या व्हायरल व्हिडिओमागची सविस्तर कथा.
नीतू कपूर त्यांचा आगामी चित्रपट ‘जुग जुग जिओ’च्या रिलीजसाठी सज्ज झाल्या आहेत. मनीष मल्होत्रा यांनी शुक्रवारी, 10 जून रोजी नीतू आणि त्यांची मुलगी रिद्धिमा कपूर साहनी यांच्यासोबत ‘पंजाबन’ गाण्याच्या हुक स्टेप्सवर एक डान्स व्हिडिओ शेअर केला. हा व्हिडिओ चित्रपट निर्माता करण जोहरला समर्पित करण्यात आला आहे, ज्याने त्याच्या बॅनरखाली चित्रपटाची निर्मिती केली आहे. डान्स व्हिडिओ नेटिझन्सना खूप आवडला आहे.
जेव्हा उर्फी जावेदला विमानतळावर पापाराझींनी पाहिले तेव्हा त्यांनी अभिनेत्रीला तिच्या नावाचे स्पेलिंग बदलण्याचे कारण विचारले. प्रगतीसाठी तिने नाव बदलल्याचे सांगितले. जेव्हा पापाराझी म्हणाले की ती आधीच व्हायरल होत असते, तेव्हा तीने व्हायरल होण्याने कमाई होत नाही असे उत्तर दिले आहे. उर्फीची ही बिंधास्त स्टाईल सोशल मीडियावर व्हायरल होत आहे.
अभिनेता राम चरणच्या लग्नाचा एक जुना व्हिडिओ व्हायरल होत आहे, ज्यामध्ये त्याचे वडील आणि अभिनेता चिरंजीवी देखील दिसत आहेत. लग्नाचे अनेक सुंदर क्षण व्हिडिओमध्ये पाहायला मिळतात. 14 जून रोजी राम चरणच्या लग्नाला 10 वर्षे पूर्ण होणार आहेत. त्यांनी या दिवशी उपासना कामिनेनीसोबत लग्न केले.
राखी सावंत एका व्हिडिओमध्ये पापाराझींसमोर रडताना दिसत आहे, ज्यामध्ये ती सांगत आहे की तिचे फेसबुक आणि इंस्टाग्राम अकाउंट हॅक झाले आहे. तिच्या सोशल मीडिया अकाउंटचे पासवर्डही बदलण्यात आले आहेत.तसेच तिच्या अकाऊंटवरून चुकीच्या आणि चुकीच्या गोष्टीही बोलल्या जात आहेत. असेही ती सांगताना दिसत आहे. पापाराझी आणि राखीचे मित्र तिला शांत करण्याचा प्रयत्न करतात आणि तिला आश्वासन देतात की लवकरच सर्व काही ठीक होईल.
दरम्यान सिनेजगतातील हे व्हायरल व्हिडिओ सध्या सर्वत्र चर्चेचा विषय ठरले आहेत. आपल्या बिंधास्त आणि विवादास्पद वक्तव्यांसाठी प्रसिद्धी असलेल्या राखी सावंतचे सोशल मीडिया अकाउंट हॅक झाल्याने ती रडताना दिसत आहे. या व्हायरल व्हिडिओवर नेटकऱ्यांच्या जोरदार प्रतिक्रिया पाहायला मिळत आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- हेही वाचा-
- नयनतारा विघ्नेश विवाह:विघ्नेशने पत्नी नयनताराला दिला २० कोटींचा बंगला, अभिनेत्रीनेही सासरच्यांना दिल्यात महागड्या भेटवस्तू
- अय्यो! फक्त एक फोटो पोस्ट करायचे कलाकार घेतात कोट्यवधी रुपये, वाचा
- अभिनेता धीरज धूपरचा ‘कुंडली भाग्य’ला निरोप, शो सोडल्याचा भावनिक खुलासा देत सांगितले भविष्यातील नियोजन
