देशातील प्रतिष्ठित मीडिया आणि मनोरंजन कंपनी यशराज फिल्म्सने आपले नवीन कास्टिंग ॲप लॉन्च केले आहे. अभिनयाच्या जगात करिअर करू इच्छिणाऱ्या जगभरातील प्रतिभावंत ‘वायआरएफ कास्टिंग ॲप’ वापरून कास्टिंगबद्दल माहिती मिळवू शकतात. या ॲपद्वारे ते त्यांचे ऑडिशनही देऊ शकतात.
कोणीही हे ॲप इन्स्टॉल करून वापरू शकतो. यासाठी अर्जदाराला ॲपमध्ये त्याच्या प्रोफाइलची माहिती द्यावी लागेल. यानंतर, त्याला आगामी चित्रपट आणि स्ट्रीमिंग प्रकल्पांशी संबंधित ऑडिनबद्दल माहिती मिळेल. भविष्यात, हे ॲप थेट YREP मध्ये ऑडिशन सबमिट करू इच्छिणाऱ्यांसाठी खूप उपयुक्त ठरेल.
यशराज फिल्म्सला विश्वास आहे की, या ॲपच्या मदतीने YRF च्या बनावट कास्टिंग खात्यांना सामोरे जाण्यास मदत होईल. याशिवाय कंपनीच्या ऑडिशनच्या नावाखाली ज्या प्रकारे लोकांची दिशाभूल केली जाते, त्याचा प्रश्नही सुटणार आहे. बनावट खाती आणि ऑडिशन्सची खोटी माहिती यामुळे कंपनीला होणाऱ्या तोट्यापासूनही संरक्षण दिले जाईल.
शानू शर्मा, जे YRF प्रोजेक्ट्समध्ये लीड म्हणून लाँच केल्या जाणाऱ्या लोकांची निवड करण्याचे प्रभारी आहेत, ते स्वतः या ॲपद्वारे आयोजित केलेल्या सर्व ऑडिशन्सचे निरीक्षण करतील. याबद्दल सानू सांगतात, ‘वायआरएफ कास्टिंग ॲप अभिनयात करिअर करू इच्छिणाऱ्या महत्त्वाकांक्षी लोकांना थेट YRFपर्यंत पोहोचण्यासाठी उपयुक्त ठरेल. आम्हाला खात्री आहे की हे ॲप जगभरातील लोकांसाठी काम करेल जे अभिनय क्षेत्रात स्थान शोधत आहेत आणि ते थेट प्रॉडक्शन हाऊसपर्यंत पोहोचू शकतील. सर्वात मोठी गोष्ट म्हणजे ते सुरक्षित आहे आणि यासाठी कोणावरही अवलंबून राहण्याची गरज नाही.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
साऊथ चित्रपटात एका मिनिटाच्या सीनसाठी 4 करोड फी घेतो ‘हा’ बॉलिवूड अभिनेता
Tiger Shroff | ‘मी माझं अपयश खूप मनाला लावून घेतो,’ टायगर श्रॉफचा मोठा खुलासा
