२०१० मध्ये आलेल्या प्रकाश झा यांच्या राजकीय नाट्यमय ‘राजनीती’ या चित्रपटाला आज १५ वर्षे पूर्ण झाली आहेत. आजही चाहत्यांमध्ये या चित्रपटाची प्रचंड क्रेझ आहे. आता चित्रपटाला १५ वर्षे पूर्ण झाल्यानिमित्त दिग्दर्शक प्रकाश झा यांनी ‘राजनीती’च्या सिक्वेलबद्दल एक मोठी माहिती शेअर केली आहे. यासोबतच त्यांनी चित्रपटाचा सिक्वेल बनवला जाईल की नाही हे स्पष्ट केले आहे.
हिंदुस्तान टाईम्सशी बोलताना प्रकाश झा यांनी ‘राजनीती’च्या सिक्वेलबद्दल सांगितले आणि त्याबद्दल माहिती दिली. प्रकाश झा म्हणाले की, ‘राजनीती’चा प्रवास सतत सुरूच आहे, तो सुरूच राहतो. ‘राजनीती २’साठी नेहमीच एक योजना होती. तथापि, कास्टिंग आणि शूटिंगच्या बाबतीत अद्याप काहीही ठोस नाही, परंतु मी सध्या त्यावर काम करत आहे. त्याच्या पटकथा आणि लेखनावर काम सुरू आहे.
‘राजनीती’च्या निर्मितीच्या काळाची आठवण करून देताना प्रकाश झा म्हणाले, “चित्रपटाचे पूर्व-निर्मिती एक वर्ष चालले. आम्ही गर्दीच्या दृश्यासाठी ८,००० कलाकार निवडले, जे खूप कठीण काम होते. कलाकारांच्या कास्टिंगची चांगली गोष्ट अशी होती की आम्ही ज्यांच्याशी संपर्क साधला त्यांना पटकथा आवडली आणि त्यांनी त्यात सहभाग घेतला. त्यांना चांगले काम करण्याचे आव्हान वाटले. लोक म्हणतात की ते व्यावसायिक यश होते.”
२०१० मध्ये प्रदर्शित झालेल्या या राजकीय थ्रिलर चित्रपटात प्रतिस्पर्धी राजकीय कुटुंबे आणि पक्षांमधील तीव्र संघर्षाचे चित्रण केले आहे. या चित्रपटात रणबीर कपूर, अजय देवगण, कतरिना कैफ, अर्जुन रामपाल, मनोज बाजपेयी, नाना पाटेकर आणि नसीरुद्दीन शाह यांसारखे कलाकार आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
पंचायत सिझन ४ ची रिलीज डेट आली समोर; या दिवशी फुलेराचे रहिवासी पुन्यांदा प्रेक्षकांच्या भेटीला…
