‘धुरंधर २’ हा १००० कोटी रुपयांपेक्षा जास्त कमाई करणारा पहिला बॉलिवूड चित्रपट ठरला आहे. कंगना रणौत (Kangana Ranaut) या चित्रपटाच्या चाहत्यांपैकी एक आहे. नुकत्याच दिलेल्या एका मुलाखतीत, कंगनाने ‘धुरंधर’ फ्रँचायझीबद्दल मनमोकळेपणाने आपले मत व्यक्त केले.
कंगना रणौत म्हणाली, “चित्रपटसृष्टी देशापासून दुरावत चालली होती. प्रेक्षकांचा सहभाग कमी झाला होता, स्टुडिओ रिकामे होत होते आणि लोकांना आता चित्रपट पाहण्यात रस राहिला नव्हता. दाक्षिणात्य चित्रपटांना अधिक महत्त्व आणि ओळख मिळाली, विशेषतः त्यांच्या संस्कृती आणि मुळांशी जोडलेल्या कथांना चांगला प्रतिसाद मिळाला.”
कंगना रणौत ‘धुरंधर’ फ्रँचायझीबद्दल म्हणते, “हा एक असा चित्रपट होता जो लोकांना पाहायचा होता. देशाने अशा चित्रपटांना आपलेसे केले आहे. चित्रपटाने किती जबरदस्त व्यवसाय केला हे तुम्ही पाहू शकता. खरं तर, लोकांना त्यांच्या स्वतःच्या कथा पाहायच्या होत्या. ‘धुरंधर’ने चित्रपटसृष्टीत नवचैतन्य आणले आहे आणि नवी आशा निर्माण केली आहे.”
कंगनाने ‘धुरंधर’मधील आर. माधवन आणि रणवीर सिंग यांच्या अभिनयाचे कौतुक केले. ती म्हणते, “माधवनने चित्रपटात अप्रतिम काम केले आहे. मी अजित डोवाल यांना भेटले आहे आणि ते एक महान व्यक्तिमत्व आहेत. मला वाटते की अजित डोवाल यांच्यावर एक स्वतंत्र चित्रपट बनवला पाहिजे. तरच एखादा अभिनेता त्यांच्या भूमिकेला न्याय देऊ शकेल. पण माधवन त्यांच्या खूप जवळचा होता. ते एक खूप चांगले अभिनेते आहेत.”
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
