सुंदर अभिनेत्री आमना शरीफ (Aamna Sharif) पुन्हा एकदा मनोरंजन विश्वात पाऊल ठेवणार आहे. एकेकाळी रोमँटिक भूमिकेत जीव ओतणारी आमना आता बंदूक चालवताना दिसणार आहे. ‘कसौटी जिंदगी की २’ सारख्या शोचा भाग राहिलेली आमना आता ओटीटी प्लॅटफॉर्मवर परतणार आहे. आमना ‘डॅमेज्ड’ या वेबसीरिजमध्ये महत्त्वाच्या भूमिकेत दिसणार आहे. आमना खूश आहे की, तिला अशी भूमिका ऑफर करण्यात आली ज्याद्वारे ती तिच्यातील अभिनेत्रीला आव्हान देऊ शकते.
लवकरच वेबसीरिजमध्ये दिसणार अभिनेत्री
एका मुलाखतीत आमना शरीफने तिच्या प्रोजेक्टबद्दल आणि तिच्या पात्राबद्दल मोकळेपणाने संवाद साधला. ती म्हणाली की, “मी नुकतेच ‘कसौटी जिंदगी की २’मध्ये काम केले होते आणि नंतर मुद्दाम थोडा ब्रेक घेतला. आता तुम्ही मला स्क्रीनवर पूर्वीपेक्षा जास्त पाहू शकाल. या वेबसीरिजमध्ये माझी भूमिका केवळ एका कणखर पोलीस अधिकाऱ्याचीच नाही, तर ती थोडी ग्रे शेडची भूमिकाही आहे.” (aamna sharif had to learn gaaliyan and had to hold gun always for her web series damaged)
जबरदस्त केलीय रोलसाठी तयारी
या भूमिकेसाठी कशी तयारी केली, हेही आमना शरीफने सांगितले. ती म्हणाली, “मला स्वतःला पात्रात पूर्णपणे झोकून घ्यायचे होते आणि त्यासाठी मी माझ्या दिग्दर्शकासोबत काही वर्कशॉप केले आणि स्वतःवर खूप काम केले.” आमनाने सांगितले की, शूटिंगच्या १० दिवस आधी ती तिच्या जवळच्या मित्रांपासून आणि सोशल सर्कलपासून पूर्णपणे दूर झाली होती.
बंदुकीशी नव्हता कसलाच संबंध
आमना शरीफ म्हणाली, “मला फक्त स्वतःमध्ये राहायचे होते. मी पोलिस अधिकाऱ्यांच्या अनेक मुलाखती आणि डॉक्युमेंटरी फिल्म्स पाहिल्या. त्यांची वागणूक, त्याची देहबोली आणि ते वातावरणात कसे वागतात, हे समजून घेण्यासाठी मी हे सर्व केले. यात माझे असे अनेक सीन्स आहेत, ज्यात मी बंदूक वापरली आहे, जी मी माझ्या संपूर्ण आयुष्यात कधीही वापरली नाही.”
आमना शरीफ पुढे म्हणाली, “माझे दिग्दर्शक विक्रांत सरांनी शूटिंगपूर्वी मला एक बंदूक दिली होती, जी मी माझ्यासोबत घरी ठेवत असे.” ते (दिग्दर्शक) म्हणाले, ‘सराव कर, त्याला तुझ्या आयुष्याचा एक भाग बनवण्याचा प्रयत्न कर. जेणेकरून तू सेटवर येशील तेव्हा तुला हातात बंदूक बाळगणे विचित्र वाटणार नाही.'” आमनाने सांगितले की, तिने आयुष्यात कधीही गैरवर्तन केले नाही, म्हणून तिला यासाठी एक वर्कशॉपही घ्यावा लागला, जेणेकरून शिव्या पडद्यावर नॅचरल दिसतील. ती सरावासाठी अनेक दिवस शिवीगाळ करत होती.
हेही वाचा :
- ‘बिग बॉस १५’ फिनालेमध्ये सिद्धार्थ शुक्लाची दिसणार झलक, शहनाझ गिल देणार श्रद्धांजली, व्हिडिओ पाहताच चाहत्यांचे पाणावले डोळे
- प्रजासत्ताक दिनानिमित्त अमिताभ बच्चन यांनी चाहत्यांच्या गर्दीसह त्यांचा तिरंग्याच्या रंगात रंगलेल्या दाढीचा फोटो केला शेअर
- सौंदर्याची खाण असलेल्या सोनाली कुलकर्णीचे बोल्ड फोटो समोर, चाहते म्हणतायेत, ‘इथे आग लागली ना राव’
