जेव्हा जेव्हा एखादा स्टार किड बॉलीवूडमध्ये पदार्पण करतो तेव्हा तो त्याच्या पालकांप्रमाणे वागेल अशी अपेक्षा असते. लोकांना त्या स्टारकीडकडून देखील खूप अपेक्षा असतात. आज आपण बॉलिवूडच्या अशाच एका स्टार किडबद्दल सांगणार आहोत, ज्याने एकामागून एक 15 फ्लॉप चित्रपट दिले, पण त्याने कधीही हार मानली नाही…
अमिताभ बच्चन (Amitabh Bachchan) हे बॉलिवूडमधील मेगास्टार म्हणून ओळखले जातात. अशा परिस्थितीत जेव्हा त्यांचा मुलगा अभिषेक बच्चनने (Abhishek Bachchan) बॉलिवूडमध्ये पदार्पण केले तेव्हा त्याची थेट अमिताभ बच्चन यांच्याशी तुलना करण्यात आली. अभिषेकच्या पहिल्या चित्रपटापासूनच प्रेक्षकांना अपेक्षा होती की, तो त्याच्या वडिलांप्रमाणे अभिनयात चांगला असेल, पण प्रेक्षकांची निराशा झाली आणि त्याचा पहिला चित्रपट ‘रिफ्युजी’ बॉक्स ऑफिसवर फ्लॉप ठरला.
अभिषेक बच्चनने 2000 साली ‘रिफ्युजी’ या चित्रपटातून करिअरला सुरुवात केली होती. त्याचा पहिलाच चित्रपट सुपर फ्लॉप ठरला. त्यानंतर त्याने पुढील चार वर्षे फक्त फ्लॉप चित्रपट दिले. या चित्रपटांच्या यादीत ‘तेरा जादू चल गया’, ‘ढाई अक्षर प्रेम के’, ‘बस इतना सा ख्वाब है’ यांसारख्या चित्रपटांची नावे समाविष्ट आहेत.
अभिषेकने एका मुलाखतीत सांगितले होते की, “माझा एक चित्रपट पाहिल्यानंतर एक महिला सिनेमा हॉलमधून बाहेर आली आणि मला थप्पड मारली आणि म्हणाली की तू अभिनय सोड. तुम्ही तुमच्या वडिलांचे नाव खराब करत आहात.”
आपल्या फ्लॉप चित्रपटांना अभिषेक बच्चन कधीच घाबरला नाही. त्यांनी सतत स्वत:वर काम केले आणि त्यानंतर त्यांचे चित्रपट हिट होऊ लागले. ‘युवा’, ‘बंटी और बबली’, ‘गुरु’ सारखे चित्रपट देऊन अभिषेकने आपल्या अभिनयाच्या पराक्रमाने सर्वांना प्रभावित केले. आज अभिषेक बच्चनची गणना बॉलिवूडमधील कुशल अभिनेत्यांमध्ये केली जाते. वडील अमिताभ बच्चन यांना मुलगा अभिषेकचा खूप अभिमान आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
दुसऱ्यांदा आई होणार असल्याने अनुष्का शर्माने शेअर केला पहिल्या प्रेग्नेंसीचा अनुभव; म्हणाली, ‘डॉक्टरांनी मला…’
ग्रॅमी पुरस्कारांमध्ये भारताचा मोठा विजय, शंकर महादेवन आणि झाकीर हुसेन यांना मिळाला ‘हा’ खास पुरस्कार
