बाॅलिवूड प्रसिद्ध अभिनेता रणबीर कपूर आणि लाेकप्रिय अभिनेत्री आलिया भट्ट यांचा ‘ब्रह्मास्त्र‘ हा चित्रपट गेल्या महिन्यात सिनेमागृहात प्रदर्शित झाला. समीक्षकांकडून या चित्रपटाला चांगला प्रतिसाद मिळाला इतकंच नाहीतर या चित्रपटाने बॉक्स ऑफिसवर देखील दमदार कमाई केली. रणबीर आणि आलिया यांच्या केमिस्ट्रीपासून ते वेधक कथानकापर्यंत, चित्रपटाला प्रेक्षकांची चांगलीच पसंती मिळाली. आता निर्माते हा चित्रपट ओटीटी प्लॅटफॉर्मवर प्रदर्शित करण्याचा विचार करत आहेत.
माध्यमांतील वृत्तानुसार, डिस्ने प्लस हॉटस्टारने चित्रपटाचे हक्क विकत घेतले आहेत आणि आता 23 ऑक्टोबर रोजी त्याचा प्रीमियर होणार आहे. कोणत्याही निर्मात्याने किंवा ओटीटी प्लॅटफॉर्मने याची पुष्टी केली नसली तरी, अहवालानुसार स्ट्रीमिंग प्लॅटफॉर्म रिलीजची तारीख योग्य मानली जात आहे. कारण ती तारीख दिवाळी सणाच्या मधात येते.
View this post on Instagram
‘ब्रह्मास्त्र’ चित्रपटाने बाॅक्स ऑफिसवर केली दमदार कमाई
दिवाळीचा पहिला दिवस 22 ऑक्टोबरपासून सुरू होतो आणि सणाच्या वेळी, वीकेंडला बॉलीवूड किंवा बिग-बजेट चा काेणताही चित्रपट रिलीज होण्याची अपेक्षा नाही. मात्र, अद्याप याबाबत अधिकृत घोषणा होण्याची प्रतीक्षा आहे. ब्रह्मास्त्र चित्रपटाविषयी बाेलायचे झाले, तर या चित्रपाटाने तिसऱ्या आठवड्यापर्यंत 255.50 कोटी रुपयांची दमदार कमाई केली आहे, ज्यामध्ये सर्व भाषांच्या संग्रहांचा समावेश आहे.
‘ब्रह्मास्त्र भाग 1 शिव’ हा ब्रह्मास्त्र ट्राइलॉजीचा भाग पहिला आहे
ब्रह्मास्त्रमध्ये रणबीर कपूर आणि आलिया भट्ट यांच्याशिवाय अमिताभ बच्चन, नागार्जुन आणि मौनी रॉय यांच्याही प्रमुख भूमिका आहेत. या चित्रपटात शाहरुख खान आणि दीपिका पदुकोण यांसारख्या सुपरस्टार्सचे कॅमिओ देखील होते, ज्यांनी चित्रपटात काही प्रभावी भूमिका केल्या होत्या. ‘ब्रह्मास्त्र भाग 1 शिव’ हा ब्रह्मास्त्र ट्राइलॉजीचा पहिला भाग आहे. दिग्दर्शक अयान मुखर्जीने खुलासा केला होता की, दुसऱ्या भागाचे नाव देव असेल. देवची भूमिका रणवीर सिंग साकारत असल्याच्या अफवा आहेत. धर्मा प्रॉडक्शन निर्मित हा चित्रपट 9 सप्टेंबर रोजी सिनेमागृहात प्रदर्शित झाला.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
धमाका! खेसारी लाल यादवच्या ‘छठ घाटे चली’ गाण्यानं घातली धुमाकूळ, पाहा व्हिडिओ
‘दिलवाले दुल्हनिया ले जाएंगे’ला 27 वर्ष पूर्ण, आजच्या पिढीलाही भुरळ घालते सिमरन आणि राजची लव्हस्टोरी
