अभिनेता सनी देओल याने रुपेरी पडद्यावर अनेक चित्रपट गाजवली. अनेक चित्रपटांनी बॉक्स ऑफिसवर खूप धुमाकूळ घातला. मात्र आता सनी देओल राजकारणात गेला आहे. त्याचबरोबर तो संसदीय सदस्य देखील आहे. या कारणामुळेही तो अनेक वेळा चर्चेत आला आहे. सनी देओल सोशल मीडियावर देखील सक्रिय असतो. याच दरम्यान त्याने एक व्हिडिओ पोस्ट केला आहे.
या व्हिडिओमध्ये तो आई प्रकाश कौरसोबत दिसत आहे. आई प्रकाशसोबत एक व्हिडिओ शेअर केला. सनी देओलने त्याच्या इंस्टाग्राम अकाऊंटवर आई प्रकाश कौरसोबत विनोद करताना आणि बर्फात खेळत असतानाचा एक व्हिडिओ शेअर केला आहे. त्याचबरोबर त्याच्या चाहत्यांना हा व्हिडिओ खूप आवडला आहे. ते यावर आपल्या प्रतिक्रिया देखील देत आहेत. सनी देओल आणि त्याची आई प्रकाश कौर यांच्यात खूप चांगला बाँड आहे.
त्याचा हा आईसोबतचा पहिलाच व्हिडिओ नाही. तो अनेकदा त्याच्या इंस्टाग्राम अकाऊंटवर आई प्रकाश कौरसोबतचे फोटो आणि व्हिडिओ शेअर करतो. या नवीन व्हिडिओमध्ये सनी देओल आणि त्याची आई बर्फात खेळताना दिसत आहेत. सनी देओलची आई आपल्या मुलावर बर्फाचे गोळे फेकताना दिसत आहे. त्याचबरोबर सनी देओलही आईवर बर्फाचे गोळे फेकत आहे.
हा व्हिडिओ शेअर करताना सनी देओलने लिहिले की, “आम्ही मोठे झालो, तरी आम्ही त्यांच्यासाठी लहान मुलासारखेच राहू. आई वडिलांचे प्रेम हे एक अनमोल आणि खरे प्रेम आहे, त्याची कदर करा. हा क्षण माझ्या अविस्मरणीय क्षणांपैकी एक आहे, जिथे मी माझे बालपण माझ्या आईबरोबर जगलो.”
सनी देओलच्या या व्हिडिओला 34 हजारांहून अधिक चाहत्यांनी पसंत केले आहे. त्यावर शंभर कमेंट्स देखील आल्या आहेत. या व्हिडिओवर सनी देओलचे चाहते त्यांच्या प्रेमाचा वर्षाव करत आहेत. अनेक चाहत्यांनी या व्हिडिओवर इमोजी बनवून सनी देओलला प्रेम दिले आहे. त्याचवेळी, अनेक चाहत्यांनी लिहिले आहे की, “सनी देओल बरोबर बोलत आहे.” तर एकाने लिहिले की, “सनी देओल हा वडील धर्मेंद्र यांची सावली आहे.” एका चाहत्यांने त्याच्या या व्हिडिओचे वर्णन ‘खूप सुंदर’ म्हणुन केले आहे.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक कर
हेही नक्की वाचा-
सनी देओलच्या ‘या’ दमदार संवादांवर आजही वाजवल्या जातात जोरदार शिट्ट्या
जुही चावलासोबत सनी देओलचा रोमान्स; पाहून ढसाढसा रडला होता करण देओल, खुद्द अभिनेत्याचा खुलासा
