घटस्फोट होऊनही मैत्री कायम! दिया मिर्झाकडून पहिल्या पतीला वाढदिवसाच्या हटके शुभेच्छा; फोटो केला शेअर

On Jul 17, 2021

Photo Courtesy: Instagram/diamirzaofficial

बॉलिवूडमध्ये आपण अनेक नाती तुटताना आणि बनताना पाहिली आहेत. मात्र, यातील काही नाती अशीही असतात, जी तुटल्यानंतरही आपला संवाद सुरू ठेवतात. याचे ज्वलंत उदाहरण म्हणजेच सौंदर्यवती अभिनेत्री दिया मिर्झा आणि साहिल संघा होय. घटस्फोटानंतरही दोघे एकमेकांचे चांगले मित्र आहेत. दियाने आपला पहिला पती साहिलच्या वाढदिवसानिमित्त त्याला खास अंदाजात शुभेच्छा दिल्या आहेत.

साहिलने शुक्रवारी (१६ जुलै) आपला ४१ वा वाढदिवस साजरा केला. यानिमित्ताने दियानेही त्याला आपल्या अंदाजात शुभेच्छा दिल्या. (Actress Dia Mirza Drops Birthday Greetings To Her Ex Husband Sahil Sangha)

दियाने अधिकृत इंस्टाग्राम स्टोरीवर साहिलचा एक फोटो शेअर केला आहे. या फोटोत त्याने तपकिरी रंगाचा जॅकेट आणि बेज रंगाची पँट परिधान केली आहे. त्याचबरोबर तो एका गाडीवर बसला आहे.

तिने फोटो शेअर करत “वाढदिवसाच्या हार्दिक शुभेच्छा सा,” असे लिहिले आहे. या फोटोसोबतच तिने हृदय, मिठी आणि वाघ इमोजीचाही समावेश केला.

दिया मिर्झा आणि साहिल संघाने २०१९ मध्ये आपल्या ११ वर्षांचे नाते संपवण्याची घोषणा केली होती. एका अहवालातून त्यांनी आपल्या चाहत्यांना आणि जवळच्यांसोबत ही बातमी शेअर केली होती. त्यात त्यांनी म्हटले होते की, दोघेही प्रेम आणि सन्मानाने एकमेकांचे मित्र बनून राहतील.

साहिल आणि दियाने सन २०१४ मध्ये लग्न केले होते आणि सन २०१९ मध्ये वेगळे झाले होते. त्यानंतर दियाने वैभव रेखीसोबत १५ फेब्रुवारी रोजी त्यांच्या मित्र आणि कुटूंबाच्या उपस्थितीत लग्न झाले होते. त्यांचे लग्न एक खासगी आणि साध्या पद्धतीने पूर्ण झाले. तसेच, दियाच्या लग्नात महिला पंडित चर्चेचा विषय बनली होती. तिने एक पोस्ट शेअर करून सांगितले होते की, तिचे लग्न एका पंडित महिलेने केले आहे. कन्यादान आणि निरोप विधी तिच्या लग्नात झाले नसल्याचेही तिने सांगितले होते. यामुळे दियाचे लग्न भलतेच चर्चेत आले होते.