दाक्षिणात्य अभिनेत्री हमसा नंदिनीच्या चाहत्यांना तिला कॅन्सर झाल्याची माहिती कळताच त्यांना धक्का बसला. वयाच्या 36व्या वर्षी ब्रेस्ट कॅन्सरशी लढा देत असलेल्या हमसा आपल्या आजाराला सकारात्मकतेने घेत आहेत. जे तिच्या लेटेस्ट फोटोमध्ये मोठ्या प्रमाणात दिसून येते. हमसाची (Hamsa Nandini) केमोथेरपीची सत्रे सध्या सुरू आहेत. यादरम्यान तिचे संपूर्ण केस गेले आहे. हमसाही तिच्या केस नसलेल्या लूकमध्ये चमक दाखवत आहे. हमसाने प्रसिद्ध फॅशन डिझायनर असलेल्या मनीष मल्होत्रा यांच्या पोशाखात फोटोशूट केले आहे.
एथनिक लूकमध्ये हमसा खूपच सुंदर दिसत होती. जरी तिच्या डोक्यावर केस नसले तरी तिच्या सौंदर्यात कुठेही कमतरता वाटत नाही. हमसाने अतिशय आत्मविश्वासाने तिचे हे फोटोशूट केले आहे. ती या लूकमध्ये खूपच स्टायलिश आणि बाल्ड लूकमध्ये दिवा दिसत आहे. फोटोमध्ये हमसा पेस्टल कलरच्या सूटमध्ये दिसत आहे. सेलिब्रिटी फॅशन स्टायलिस्ट अमी पटेलने हमसाच्या या शेअर केलेल्या फोटोवर कमेंट करताना लिहिले आहे की, “तू शानदार दिसत आहेस. हा फोटो सामर्थ्य, सौंदर्य आणि कृपा दर्शवतो. कर्करोगाशी तुझी लढाई या प्रवासाचा एक भाग आहे. मला माहित आहे की, हे जिंकून तू अधिक सुंदर दिसशील. आम्ही सर्व तुझ्यासोबत आहोत.”
हा फोटो खरच सुंदर आहे. ज्याचे वर्णन शब्दात करता येत नाही. हमसाच्या या फोटोवर मनीष मल्होत्राने हार्ट इमोजी पोस्ट केला आहे. चाहत्यांनी हमसाच्या फोटोला ग्रेसफुल आणि सुंदर म्हटले आहे. अनेकांना या आकर्षक फोटोवरून नजर हटवणे कठीण होत आहे.
हमसा कॅन्सरसोबत तिची लढाई धैर्याने आणि प्रेमाने लढत आहे. त्यांच्यासाठी नकारात्मकतेला जागा नाही. हे सर्व फोटो हमसाची ताकद दाखवतात. हमसाचे चाहते ती लवकरात लवकर बरी होण्यासाठी प्रार्थना करत आहेत. कॅन्सरबद्दल माहिती देताना हमसाने आपल्या पोस्टमध्ये लिहिले आहे की, ”माझ्या आयुष्यात मार्गात कितीही अडचणी आल्या, कितीही विश्वासघात झाला तरी मी त्याला बळी होणार नाही. मी भीती, नकारात्मकता आणि निराशा माझ्यावर राज्य करू देणार नाही, मी हार मानणार नाही.”
हमसा नंदिनी कोण आहे?
हमसा साउथ इंडस्ट्रीतील एक प्रसिद्ध अभिनेत्री आहे. हमसा तेलुगु सिनेमात काम करते. रुद्रमादेवी या तेलगू कालखंडातील नाटकात हमसाने योद्धा राजकुमारी मंदाकिनीची भूमिका साकारली होती. हमसाने तेलुगू चित्रपटांमध्येही अनेक आयटम नंबर केले आहेत.
हेही वाचा :
