सन 2021मध्ये रिलीज झालेला ‘पुष्पा‘ हा सिनेमा तुम्ही पाहिला असेलच. या सिनेमाने कमाईचे अनेक विक्रम रचले होते. या सिनेमातील गाणी आणि डायलॉग्ज भलतेच गाजले होते. आजही लहान मुलांपासून ते वृद्धांपर्यंत अनेकजण ‘पुष्पा’ सिनेमातील ‘मैं झुकेगा नहीं साला’ हा डायलॉग बोलल्याशिवाय राहत नाहीत. हे डायलॉग्ज हिंदी भाषेतून चाहत्यांपर्यंत पोहोचवणारा मराठमोळा अभिनेता म्हणजेश्रेयस तळपदे होय. श्रेयसने पुष्पा सिनेमाचे हिंदी डबिंग केले होते. यामुळे त्याच्यावर आता ऑफर्सचा वर्षाव होत आहे. याचा खुलासा स्वत: श्रेयसने केला आहे. त्याने सांगितले आहे की, ‘पुष्पा’ सिनेमानंतर त्याचे आयुष्य खूपच बदलले आहे.
काय म्हणाला श्रेयस?
‘फ्लॉवर नहीं फायर हैं मैं’ हे डायलॉग्ज बोलून चाहत्यांच्या मनात खास स्थान निर्माण करणाऱ्या श्रेयस तळपदे याने ‘पुष्पा’ सिनेमानंतर झालेल्या बदलांबद्दल भाष्य केले. तो म्हणाला की, “मी कॉमेडी रोल्ससाठी ओळखला जातो. माझा कोणताही सिनेमा त्याच्या वर नाहीये. कोणालाच माहिती नसते की, कोणता सिनेमा तुम्हाला कुठे घेऊन जाईल. मी पुष्पामध्ये दिसलो नाही, पण मला त्यासाठी खूप प्रेम मिळाले. मी स्वत:ला भाग्यवान समजतो की, मला या सिनेमाचा भाग बनण्याची संधी मिळाली. जेव्हा हा सिनेमा ओटीटीवर स्ट्रीम होऊ लागला, तेव्हा त्याने मला एका अभिनेत्याच्या रूपात पाहण्याच्या पद्धतीत बदल करण्यात मदत केली.”
श्रेयस तळपदेला ‘या’ गोष्टीची प्रतीक्षा
श्रेयस तळपदे 46 वर्षांचा आहे. तो सांगतो की, “पुष्पानंतर मला डबिंगच्या भरमसाठ ऑफर्स येत आहेत. मात्र, मला त्यातील काही निवडक कामेच करायची आहेत. जर मी सर्वकाही करत राहिलो, तर काहीच एक्सक्लूझिव्ह राहणार नाही. मी 2019मध्ये द लायन किंगमध्ये आवाज दिला होता. आता मी पुष्पा 2साठी वाट पाहत आहे.”
View this post on Instagram
अल्लू अर्जुनबद्दल काय म्हणाला श्रेयस?
अल्लू अर्जुन (Allu Arjun) याच्याविषयी बोलताना श्रेयस म्हणाला की, “अल्लू अर्जुन माझा आवडत्या कलाकारांपैकी एक आहे. अशाप्रकारच्या फ्रँचायझीचा भाग झाल्याचा मला खूप फायदा झाला आहे. त्याच्या अभिनयाला सलाम आहे. तसेच, दिग्दर्शक सुकुमार यांना धन्यवाद देतो. मी मसाला एंटरटेनर बनवण्याच्या पद्धतीचा अभ्यास केला आहे. सिनेमा हा एका पुस्तकाप्रमाणे आहे. पुष्पातून मी शिकलो आहे की, हे सर्व ‘प्रयत्न करत राहणे’ याबद्दल आहे. कारण, आपण जर हार मानली, तर बदल कधीच होणार नाही.”
श्रेयस तळपदेला आता ‘पुष्पा 2’मध्ये आपला आवाज देताना पाहण्यासाठी चाहते खूपच उत्सुक आहेत. त्यामुळे चाहते ‘पुष्पा 2’ सिनेमाची आतुरतेने वाट पाहत आहेत.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
अधिक वाचा-
पत्नी नताशाकडून हार्दिक पंड्याने घेतले डान्सचे धडे; व्हिडिओ पाहून नेटकरी म्हणाले, ‘चंपक चाचासारखा डान्स’
बापलेकाची जोडी सुसाट! मुलगा आझादसोबत थिरकला आमिर खान, व्हिडिओ जोरदार व्हायरल
