काही दिवसांपूर्वी कॉमेडियन भारती सिंगने गोंडस मुलाला जन्म देऊन सर्वांनाच सुखद धक्का दिला होता. या चिमुकल्या पाहुण्याच्या आगमनाने भारती सिंग (Bharati Singh) आणि हर्ष लिंबाचियाच्या (Harsh Limbachia) आयुष्यात आनंदाचे क्षण आले आहेत. भारती सिंगने ही आनंदाची बातमी आपल्या सोशल मीडिया अकाउंटवरुन शेअर केली होती. बाळाच्या जन्माच्या आधी शेवटच्या दिवसापर्यंत ती ‘हुनरबाज देश की शान’ या कार्यक्रमाचे सुत्रसंचालन करत होती. याबद्दल तिचे सोशल मीडियातून अनेकांनी कौतुक केले होते. आता बाळाच्या जन्मानंतर फक्त १२ दिवसांत ती कामावर परतली आहे. सध्या तिचा हा व्हायरल व्हिडिओ सर्वत्र चर्चेत आला आहे.
याबाबत संपूर्ण माहिती अशी की, कॉमेडियन भारती सिंगचा एक व्हिडिओ सध्या सोशल मीडियावर व्हायरल होत आहे. ज्यामध्ये भारती सिंग कॅमेऱ्यासमोर बोलताना दिसत आहे. तसेच ती कामावरही परतत असल्याचे सांगताना दिसत आहे. या व्हायरल व्हिडिओमध्ये भारती आज बाळाला सोडून कामावर येत आहे त्यामुळे मी खूप रडले. पण काम काम असते त्यामुळे मी कामावर परतत आहे असे सांगताना दिसत आहे. त्यामुळे भारतीच्या प्रामणिकपणाचे, तिच्या कामाप्रती असलेल्या निष्ठेचे सर्वत्र कौतुक होताना दिसत आहे. या व्हिडिओवर अनेक चाहत्यांनी प्रतिक्रिया देत भारतीचे कौतुक केले आहे. या व्हिडिओमध्ये भारतीने आलिया आणि रणबीरला लग्नाच्या शुभेच्छा दिल्या आहेत.
दरम्यान भारती सिंगने कॉमेडियन म्हणून मनोरंजन जगतात चांगलीच लोकप्रियता मिळवली आहे. आपल्या खास शैलीत ती प्रत्येकाला पोटधरुन हसायला लावत असते. भारतीने डिसेंबर २०१७ मध्ये हर्ष लिंबाचिया सोबत विवाह केला होता. तसेच डिसेंबर २०२१ मध्ये तीने प्रेग्नेंट असल्याची माहिती सोशल मीडियावरुन तिच्या चाहत्यांना दिली होती. भारतीने ‘कॉमेडी सर्कस’, ‘कपिल शर्मा शो’, ‘खिलाडी ७८६’ असे अनेक गाजलेले कार्यक्रम आणि चित्रपटांमध्ये काम केले आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
- हेही वाचा –
- मनोरंजनविश्वातील ‘या’ कलाकारांकडे आहे महागड्या आणि आलिशान वस्तूंचे शानदार कलेक्शन
- असे काय झाले की, ज्यामुळे डिप्रेशनमध्ये गेली होती रुबीना? मनात येत होता आत्महत्येचा विचार
- लग्न तर झालं, पण किती दिवस टिकणार? कपूरांचे विवाह काही वर्षेच टिकतात, तर भट्ट घराण्यात दोन लग्नांची परंपरा
