‘तिने देशाला अनेकवेळा फसवलंय’, पारितोषिक विजेत्या लेखिकेवर भडकले अभिनेते अन्नू कपूर

अभिनेते अन्नू कपूर हे चार दशकांहून अधिक काळ अभिनेता म्हणून काम करत आहेत, पण मनोरंजन क्षेत्रात येण्याचे त्यांचे स्वप्न नव्हते. अन्नू यांचे आजोबा आणि काका हे भारताच्या स्वातंत्र्यलढ्यातील क्रांतिकारक होते. त्यांनाही मातृभूमीची सेवा करायची होती. या अभिनेत्याने १२वीच्या परीक्षेत ९३ टक्के गुण मिळवले होते, परंतु आयएएस होण्याचे स्वप्न पूर्ण करण्यासाठी त्यांच्या आई-वडिलांकडे पैसे नव्हते. कुटुंबाचा उदरनिर्वाह करण्यासाठी अन्नू यांना त्याच्या वडिलांच्या थिएटर कंपनीत सहभागी व्हावे लागले होते. अशातच अन्नू कपूर हे त्यांच्या वक्तव्यामुळे जोरदार चर्चेत आले आहेत.

अन्नू कपूर (Annu Kapoor) यांनी माध्यमांशी बोलताना सांगितले की, ते आयएएस अधिकारी होण्याचे त्यांचे स्वप्न पूर्ण करू शकले नाहीत, परंतु ते राजकारणात आले नसले, तरी एक अभिनेता म्हणून देशाची सेवा करण्याची जबाबदारी खूप गांभीर्याने घेत आहेत.

ते म्हणाले, “मी राजकारणासाठी योग्य नाही. राजकारणी होण्याची प्रतिभा माझ्यात नाही. माझ्या एका शोमध्ये मी पॉलीटिक्स म्हणजे काय हे सांगत होतो. पॉली म्हणजे अनेक आणि टिशियन म्हणजे ‘रेंगाळणारे कीडे’. राजकारणी किंवा न्यायव्यवस्था किंवा नोकरशाहीमध्ये राहणारे सर्व लोक हे आपल्या व्यवस्थेची देन आहेत.”

अन्नू कपूर यांना भारताची काळजी
अन्नू कपूर त्यांची नाराजी व्यक्त करतात आणि म्हणतात, “दुर्दैवाने आपली व्यवस्था ही सर्वात भ्रष्ट, ढोंगी दिखावा करणारी व्यवस्था आहे. मला स्वित्झर्लंड, अमेरिकेची पर्वा नाही, मला भारताची काळजी आहे. मी माझ्या देशाला खूप गांभीर्याने घेतो आणि मला त्याबद्दल खूप वाईट वाटते.”

अरुंधती रॉय यांनी नमूद केले
अन्नू यांनी बुकर पारितोषिक विजेत्या लेखिका अरुंधती रॉय (Arundhati Roy) यांच्याबद्दल वक्तव्य केले. त्यांनी त्यांच्यावर भारताचा विश्वासघात केल्याचा आरोप केला. ते म्हणाले की, “मी फक्त अरुंधती रॉय यांचे नाव घेत आहे, त्यांनी अनेकवेळा देशाची फसवणूक केली आहे.”

ओटीटी प्लॅटफॉर्म आणि अभिनयाबद्दल बोलताना ते म्हणाले, “ओटीटीच्या शीर्षस्थानी बसलेले लोक जाहिरातींच्या जगातून आले आहेत, ज्यांना एका मिनिटात सर्वकाही दाखवायचे आहे. जाहिरातींच्या दुनियेत तुम्हाला अशा गोष्टी विकायच्या असतात ज्यांची किंमत नसते. तुम्ही खोटे जग विकण्याचा प्रयत्न करता. मला वाटतं सिनेमाही असाच आहे.” अन्नू कपूर यांनी हे सर्व हिंदुस्तान टाईम्सला दिलेल्या मुलाखतीत म्हटले आहे.

‘क्रॅश कोर्स’मध्ये अन्नू कपूरची खास भूमिका
अन्नू कपूर पुढे ऍमेझॉन प्राईम व्हिडिओच्या ‘क्रॅश कोर्स’ या वेब सीरिजमध्ये कोटा, राजस्थानमधील एका संस्थेच्या मालकाच्या भूमिकेत दिसणार आहे. विजय मौर्य दिग्दर्शित आणि मनीष हरिप्रसाद लिखित ही मालिका ५ ऑगस्ट रोजी ओटीटी प्लॅटफॉर्मवर प्रदर्शित होणार आहे.

दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा

दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा

अधिक वाचा-
प्रमोशनसाठी ‘खिलाडी’ अक्षय घरातून पडला बाहेर, पण सेटवर पोहोचताच ढसाढसा लागला रडू; व्हिडिओ व्हायरल
ब्रेकअपच्या बातम्यांमध्येच टायगरच्या व्हिडिओवर दिशाची गजब मागणी; चाहतेही म्हणाले, ‘छोटी बच्ची हो क्या?’
दीपिकाचा बर्थडे : लग्नासाठी धर्म बदलल्याने कायम चर्चेत राहिलेली अभिनेत्री, बघा तिचे मुस्लीम नाव

Latest Post