अभिनेत्री शर्वरी वाघ (sharvaru vagh) ही अलीकडेच हिंदी चित्रपटसृष्टीत पदार्पण करणाऱ्या अभिनेत्रींपैकी एक आहे. १४ जून १९९६ रोजी जन्मलेली शर्वरी तिच्या बॉलिवूड डेब्यूमुळे चर्चेत होती. त्यांचे वडील शैलेश वाघ हे मुंबईतील प्रसिद्ध बांधकाम व्यावसायिक आहेत तर त्यांची बहीण कस्तुरी आणि आई नम्रता वाघ या दोघी आर्किटेक्ट आहेत. इतकंच नाही तर या अभिनेत्रीचा राजकारणाशी खूप खोलवर संबंध आहे.
अभिनेत्री शर्वरी वाघ ही महाराष्ट्राचे माजी मुख्यमंत्री मनोहर जोशी यांची नात आहे. ‘बंटी और बबली २’ सारख्या चित्रपटात दिसलेली ही अभिनेत्री आज तिचा २७ वा वाढदिवस साजरा करत आहे. अभिनेत्रीच्या वाढदिवसानिमित्त जाणून घेऊयात अशा स्टार्सबद्दल ज्यांची राजकीय पार्श्वभूमी आहे.
बॉलिवूडचा प्रसिद्ध अभिनेता रितेश देशमुख (riteish deshmukh)हा माजी केंद्रीय मंत्री आणि महाराष्ट्राचे माजी मुख्यमंत्री विलासराव देशमुख यांचा मुलगा आहे. रितेशने २००३ मध्ये ‘तुझे मेरी कसम’ या चित्रपटातून पदार्पण केले होते. या अभिनेत्याने अनेक मराठी चित्रपटांमध्येही काम केले आहे. याशिवाय त्याने बॉलिवूडमधील अनेक सुपरहिट चित्रपटांमध्येही काम केले आहे.
बॉलिवूडचा भाईजान सलमान खानची (salman khan) बहीण अर्पिता खानचा पती आयुष शर्मानेही बॉलिवूडमध्ये पदार्पण केले आहे. चित्रपटसृष्टीत आपले नाव कमावू इच्छिणाऱ्या अभिनेता आयुष शर्माने ‘लवयात्री’ या चित्रपटातून पदार्पण केले. मात्र, तो आतापर्यंत बॉलिवूडमध्ये विशेष काही करू शकलेला नाही. त्यांच्या राजकीय पार्श्वभूमीबद्दल सांगायचे तर त्यांचे वडील अनिल शर्मा हे भाजपचे आमदार होते.
चिराग पासवान हे एका प्रसिद्ध राजकीय घराण्यातील आहेत. त्यांचे वडील दिवंगत रामविलास पासवान हे बिहारच्या राजकारणातील मोठे नेते आहेत. चिरागने कंगना रणौतसोबत (kangana ranaut) २०११ मध्ये ‘मिले ना मिले हम’मध्ये काम केले होते. पण हा चित्रपट बॉक्स ऑफिसवर चांगलाच फ्लॉप झाला. बॉलीवूडमधील अपयशानंतर त्यांनी इंडस्ट्री सोडली आणि आता राजकारणात सक्रिय आहे.
बॉलीवूड अभिनेता अरुणोदय सिंग यांचे वडील अजय सिंह राहुल हे मध्य प्रदेशचे एक तगडे नेते आहेत. तर त्यांचे आजोबा अर्जुन सिंह हे मध्य प्रदेशचे माजी मुख्यमंत्री राहिले आहेत. अरुणोदयने सिकंदर या चित्रपटातून करिअरची सुरुवात केली. आपल्या फिल्मी करिअरमध्ये त्यांनी अनेक चित्रपटांमध्ये काम केले आहे. यासोबतच तो अपहरण या प्रसिद्ध वेब सीरिजसाठीही ओळखला जातो.
आपल्या सौंदर्याने लोकांना वेड लावणारी अभिनेत्री नेहा शर्मा बिहारमधील भागलपूर येथील काँग्रेस आमदार अजित शर्मा यांची मुलगी आहे. नेहाने २००७ मध्ये दक्षिण भारतीय चित्रपट चिरुथा या चित्रपटातून तिच्या करिअरची सुरुवात केली होती. यानंतर ती २०१० मध्ये इमरान हाश्मीसोबत बॉलीवूड चित्रपट क्रुकमध्ये दिसली. मात्र, नेहालाही बॉलिवूडमध्ये विशेष स्थान मिळवता आलेले नाही.
अधिक वाचा –
– कियाराने कार्तिकसाेबतचा ‘ताे’ फाेटाे केला शेअर, पण वादाच्या भाेवऱ्यात अडकण्याआधीच डिलीट केली पोस्ट
– तब्बूचा बीचवरील हाॅट अंदाज, फाेटाे व्हायरल
– ‘प्रेम जितकं जुनं होत जातं, तितकं… ‘, ‘आठवणी’चे पोस्टर रिलीज; ‘या’ दिवशी येणार चित्रपट प्रेक्षकांच्या भेटीला
