दाक्षिणात्य चित्रपटसृष्टीमधील सुपरस्टार कमल हासन यांची मुलगी श्रुती हासन ही देखील आपल्या वडिलांप्रमाणे चित्रपटसृष्टीमध्ये नाव कमावत आहे. अभिनेत्री हिंदी चित्रपटांमध्ये उत्तम अभिनय करतेच, परंतु त्याचबरोबर दाक्षिणात्य चित्रपटांमध्ये देखील तिचा अभिनय दांडगा आहे. तिने यशाचे शिखर गाठण्यासाठी घेतलेली मेहनत अपार आहे. आपल्या दमदार अभिनयाने आणि सुंदरतेने ती कायमच प्रेक्षकांची मने जिंकत असते.
श्रुती हासन आपल्या अभिनय काराकिर्दी विषयी बाेलताना म्हणते की, ” मला फक्त एवढं माहित होते की, मला हे आवडते आणि मी दिवसेंदिवस माझा अभिनय अधिक चांगला करण्याचा प्रयत्न करेन. मला असं वाटतं आहे की, सर्व काही बदलले आहे. त्यासाठी मी माझ्यावर प्रेम करणाऱ्यांची आणि मला पाठिंबा देणाऱ्यांची आभारी आहे. माझ्या मनामध्ये तुमच्यासाठी कायमच एक खास जागा असेल.” (Bollywood actress Shruti Haassan singing in restaurant before entering in cinema said no one knew that who I am)
श्रुती ही खूप मेहनती अभिनेत्री आहे. प्रत्येक कलाकाराचे आपल्या आयुष्यात यशाचे शिखर गाठत असताना काही ना काही स्ट्रगल असते. श्रुती ही कमल हासन यांची मुलगी असली, तरी देखील तिने चित्रपटांमध्ये येण्यासाठी बरीच मेहनत घेतली आहे. गेल्या काही दिवसांपूर्वी तिने एका वृत्तपत्राला मुलाखत दिली होती. त्यामध्ये तिने एका अविश्वासनीय गोष्टीचा खुलासा केला. ती म्हणाली की, “मी जुहूमधील एका हॉटेलमध्ये गाणे गायचे. तिथे मला कोणीच ओळखत नव्हते. त्यावेळी मी ‘सेलिन डियॉन’ आणि ‘ब्रायन एडम्स’ यांची गाणी गायचे. माझ्या आवाजातील गाणी तेथील लोकांना फार आवडायची. परंतु मी कोण आहे आणि कुणाची मुलगी आहे या गोष्टीची त्यांना काहीच कल्पना नव्हती.
अभिनेत्रीला लाइमलाइटमध्ये राहायला जास्त आवडत नाही. तिने काही चित्रपटांमध्ये देखील गाणी गायली आहेत. कोरोनाकाळात सर्वत्र चित्रपटांच्या शूटिंगला मनाई होती, परंतु तिने आपले शुटिंगचे काम सुरूच ठेवले होते. मुलाखती दरम्यान तिने कोरोनाकाळातील एक भीतीदायक अनुभव सांगितला. ती म्हणाली की, “आम्ही कोरोनाकाळात देखील शूटिंग करत होतो. त्यावेळी विना मास्क सेटवर थांबणे खूप भीतीदायक होते. पण काम तर करावेच लागणार होते. प्रत्येकाला आपल्या दैनंदिन जीवनातील गरजा पुरवण्यासाठी काही ना काही काम करावेच लागते.”
अभिनेत्रीने आतापर्यंत वीस चित्रपटांमध्ये काम केले आहे. यामध्ये ‘गब्बर इज बॅक’ या चित्रपटातील तिची भूमिका प्रेक्षकांना जास्त आवडली. अभिनय क्षेत्रात श्रुती हासनने आता पर्यंत कमावलेले नाव तिने तिच्या मेहनतीने कमावले आहे. ज्यासाठी तिचे खूप कौतूक केले जाते.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
महत्त्वाच्या बातम्या-
दिग्दर्शक अभिजित पानेसेंना शिंदे गटाकडून ऑफर? फिरणार का राजकारणाची सूत्र…
टिकू तलसानियांचे मराठीत पुनरागमन! ‘या’ नवीन चित्रपटातून करणार चाहत्यांचे मनोरंजन
