बाॅलिवूड अभिनेते अनिल कपूर यांची मुलगी आणि फॅशन डिझायनर सोनम कपूर सतत चर्चेत असते. सोनम नेहमीच तिच्या लूक आणि ड्रेसिंग सेन्ससाठी ओळखली जाते. अभिनयाव्यतिरिक्त सोनम सोशल मीडियावर खूप सक्रिय आहे. ती अनेक ब्रँडसाठी फोटोशूट करत राहते. अलीकडेच, तिने एक लेटेस्ट फोटोशूट केले आहे. या फोटोशूटमध्ये तिने तिच्या लंडनमधील घराचे संपूर्ण आतील भाग दाखवले आहेत. या फोटोशूटनंतर सोनमचे लंडनमधील घर खूप चर्चेत आले आहे. या फोटोशूटमधील एक फोटो प्रचंड वेगाने सोशल मीडियावर होत आहे.
सोनमने अलीकडेच आर्किटेक्चरल डायजेस्ट इंडिया नवीन आवृत्तीसाठी फोटोशूट केले. मारिओ बेलिनीच्या या तीन आसनी सोफ्याची किंमत सुमारे १८ लाख रुपये आहे. यातील एका फोटोत ती बूट घालून अतिशय आलिशान सोफ्यावर पोज देताना दिसत आहे. माध्यमांतील वृत्तानुसार, या सोफ्याची किंमत कितीतरी लाखांमध्ये आहे. फोटोमध्ये सोनम जांभळ्या रंगाचा ड्रेस घालून तिच्या कमरेवर हात ठेवून छान पोझ देताना दिसत आहे. या ड्रेससोबत तिने काळ्या रंगाचे बूट घातले आहेत.
सोनमच्या या शूटवर बऱ्याच नेटकर्‍यांनी कमेंट केल्या आहेत, पण तिचा पती आनंद आहुजाच्या कमेंटने अनेकाचे लक्ष वेधून घेतले आहे. चाहते आणि कलाकार या फोटोवर सतत कमेंट करत आहेत. त्याच वेळी, आनंद आहुजा यांनी यावर खूप मजेदार कमेंट्स केली आहे, जी सध्या चर्चेचा विषय ठरली आहे. कमेंट्स करताना त्यांनी लिहिले की, “आता जेव्हाही मी या सोफ्यावर बसेल, तेव्हा हा फोटो मला सतत आठवत राहील.” त्यांच्या या कमेंट्सवर उत्तर देताना सोनमने लिहिले की, “हो हो! साॅरी, मी नवीन सोफ्यावर उभी राहिले.” दोघांच्या या कमेंट्सला सोशल मीडियावर खूप प्रतिसाद मिळत आहे.
सोनमविषयी बोलायचं झालं, तर तिने काही दिवसांपूर्वी तिच्या ‘ब्लाइंड’ चित्रपटाचे शूटिंग पूर्ण केले आहे. शोम मखीजा दिग्दर्शित हा चित्रपट ऍक्शन थ्रिलर आहे. त्याची कथा एका अंध पोलीस अधिकाऱ्याभोवती फिरते, जी सीरियल किलरच्या शोधात आहे. सोनम या चित्रपटात अंध असल्याची भूमिका साकारत आहे. सोनम व्यतिरिक्त, यात विनय पाठक, पूरब कोहली यांच्याही भूमिका आहेत.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-सुपरस्टार नागार्जुन यांची सून समंथाने फ्लॉन्ट केले ऍब्ज; पाहून तुम्हीही घालाल तोंडात बोटे
-‘हद्द झाली यार!’ सिद्धार्थ शुक्लाच्या मृत्यूवर व्लॉग बनवणाऱ्या संभावना सेठवर भडकले नेटकरी
